Shqipëria, në raportet e ndryshme ndërkombëtare, konsiderohet si një vend varfër, ku ka dështuar rritja ekonomike.
Në fakt, të varfër dhe pa perspektivë janë qytetarët, por jo politikanët. Këta të fundit, janë shumë të zënë duke rritur mirëqenien e tyre. Të paktën këtë e ka treguar koha.
CNA.al prej ditësh po sjell ndryshimet e njerëzve të politikës dhe jo vetëm, nëpërmjet fotove dhe katapultimit të tyre në fushat përkatëse.
Këta radhë, në fokus do të jetë, ish-ministri i Transportit në Qeverinë “Rama 1” dhe ish-ministri i Ekonomisë dhe zv/kryeministër në Qeverinë “Berisha 2”, Edmond Haxhinasto.
Ky i fundit, u katapultua në politikë, nga auditoret e Gjuhëve të Huaja.
Politika, duket se ka rezultuar mjaft e frytshme për të, duke pasur parasysh se nga një pedagog me pantallona treçerekëshe, u shëndërrua në miliarder.
Përveçse e pasuroi dhe bëri pjesë të skandaleve aq shumë të përfolura në media, politika, duket se ia ka kursyer thinjat Haxhinastos, nëse nuk ka zgjedhur ti ngjyrosë flokët.
CNA.al ka raportuar më herët se Haxhinasto dyshohet të ketë fshehur një vilë që ndodhet në një nga resortet turistike në Gjirin e Lalzit.
E njëjta pasuri, nuk gjendet në formularët e deklarimit ndër vite të administruara nga ILDKPKI.
Vila e padeklaruar, ka një sipërfaqe banimi prej gati 400 metër katror , është e rrethuar një kopsht gjelbërues prej rreth 500 metër katror dhe dyshohet se shkon rreth një milion euro.
Për më tepër, Haxhinasto, gjatë kohës që mbante postin e Ministrit të Ekonomisë, është lakuar në lidhje me skandalin për tenderin e koncensionit të Rrugës së Kombit si dhe për tenderin për qindra ton naftë bruto.
Vitin që shkoi, Haxhinasto u thirr edhe nga Prokuroria për Krime të Rënda, e cila thuhet se ka nisur hapjen e dosjeve të zyrtarëve dhe ish-zyrtarëve të niveleve të larta./CNA.al