Ditën e sotme Lulzim Basha kishte thirrur në mbrojtje kreun e komunës së Mitrovicës, Agim Bahtiri.
E fryu shumë këtë takim, sa nga entuziasmi dhe padituria politike, Bahtiri tha se kishte ardhur të mbronte nipin e tij si dajë që ishte.
Me rregulla mirëfilli Kanuni, pavarësisht se më shumë e dëmton Bashën mbrojtja e kreut të komunës së Mitrovisës se sa e nxjerr nga sikleti.
Ende pa u shuar “jehona” e takimit të kreut të PD me Bahtirin, është Çlirim Peka ai që poston një foto bashkë me Lulzim Bashën, duke treguar se e kishte marrë ai në “dorëzim Lulin.
Madje e kishte marrë “paketë” me gjithë “kasetën” brenda, sikurse thotë gazetari i familjes!
“Sapo ma “dorezoi” kaseten. Te Enjte ne 20.45 Lul Basha flet per te gjitha!”, paralajmëron gazetari prezencën e Bashës në emisionin e tij të mbrëmjes.
Të therrasë dhe Milaim Bellanicën, nëse ka shpresë të “lëshojë” kasetën e filmimeve të masakrës serbe në Krushë të Madhe të zhdukur nga Basha vite më parë. Kjo masakër nuk meriton tallje!