Kryeministri Edi Rama ka shkëmbyer disa replika me Nikoll Lesin, në emisionin “Repolitix” në Report TV, ku ishte i ftuar mbrëmjen e djeshme.
Lesi: Duro, duro, por atë të lodhurën do e shohim nga dhjetori. Nga pranvera do e shohësh lodhjen.
Rama: Çfarë do shohim? Me Kohën tonë”
Lesi: Se do vijmë te pyetja e opozitës.
Rama: Në emër të kujt flet?
Lesi: Unë flas në emër të oponencës.
Rama: Çfarë do shohim? Se me “Kohën tonë s’kam çfarë të shoh”.
Lesi: Uroj që kurrë mos të të shoh si Fatos Nano duke ikur me vrap.
Rama: Ku të iki.
Lesi: Do të rethojnë Kryeministrinë të opozitës.
Rama: Koha Jonë?
Lesi: Jo jo, opozita.
Rama: Aaa ti flet në emër të atyre?
Lesi: Po kam informacion se unë jam gazetar, si nga Kryeministria, si nga opozita.
Ja pyete, është bërë gati, besoj se do i shohin zyrën.
Rama: Do ketë çadër?
Lesi: Jo jo, s’ka çadër. Do i shohin pikturat e zyrës se i ka të bukura.
Minga: Para apo pas zgjedhjeve?
Lesi: Nuk e di por përpara zgjedhjeve…Uroj të mos ikësh në Maqedoni, si Fatos Nano, i veshur si fshatar. Mbaje mend.
Lesi ka akuzuar Ramën, se ka sulmuar Ilir Metën, pse nuk dekretoi Sandër Lleshin.
“Në pikë të mëngjesit kryeministri në Twitter dha lajmin e dorëhqjes së Xhafajt, kishte frikë se mos i ndërronte mendjen.
Rama e bëri urgjent në Twitter.
Një shkresë pa kokë ishte propozimi për Sandër Lleshin.
Pasi u publikua lajmi se Meta nuk do ta dekretonte, Rama futi zagarët politikë për ta sulmuar Metës.
Pasi ky i fundit nuk e dekretoi, në parlament gjatë fjalës Rama kishte një mllef të jashtëzakonshëm për ta grirë presidentin”, u shpreh Nikoll Lesi, që nuk lejon t’ia shajnë Metën.