Nga Anri Bala
Deklarimet e Lulzim Bashës, se edhe nëse ndërtohet Teatri i ri mbi të vjetrin, ai nuk do ketë jetë të gjatë, sepse lufta civile e barakaxhinjëve, është në prag të derës, ishte vërtet një lajthitje gojore apo një paralajmërim i menduar nga ai që e ka “kamaren” e madhe të mbushur me m..llef .
Natyrisht, që lufta civile do filloi, mes atyre që nuk e dinë, se çfarë do të thotë luftë civile dhe atyre që e imagjinojnë se nuk e kanë parë kurrë Teatrin, si një klub nate me shfaqje striptistesh, që i mjafton një tub dhe një palë brekë, për të argëtuar njerëzit.
Arsyeja është fare e kuptueshme, sepse duhen dy palë për të luftuar dhe këto janë palët që kanë mbetur, duam apo nuk duam ne, që rrinë bashkë në të mirë e në të keq dhe nuk bëhet nami, se rrihen ndonjëherë duke luftuar civilisht, të armatosur ushtarakisht, me fjalët tritol dhe rruspa nga Basha.
Luli në fakt, si gënjeshtar që është, kësaj radhe nuk gënjen, sepse e ka provuar dhe gjithmonë gënjen kur do të mbrohet nga ato që thotë dhe ato që s’bënë, e kurrë nuk ka gënjyer për ato të “mirat” që i ka bërë Tiranës dhe Shqipërisë, kur i vjen në dorë pushteti.
Nëse nuk e besoni, atëherë duhet të keni problem me memorien, por edhe sikur, mjafton t’iu kujtoj firmën “Fusha” që shkatërroi sheshin Skënderbej në fazën e parainagurimit dhe ndërtoi kartodromin e Lulëzimit… plot 10 milion euro.
Biznesmeni Fusha, nuk aka asnjë faj, pasi mori 4 milion euro për ndërtimin e sheshit dhe 6 milion për “pastrimin” e sheshit, ose të Tiranës, nga ndërtimet e Edi Ramës, sikurse deklaron Basha me gjysëm zëri, ai bëri punën për të cilën e kishim pagur ne dhe pajtuar me xhepin tonë, Kryetari i Bashkisë, i futur me dhunë në Bashki.
Pra ruspa Lulzim, na kushtoi 10 milion euro dhe askush nuk dha llogari. Heshtja e ligjit e trimëron kriminelin, sepse ose Rama është fajtor për ndërtimin, ose Basha është fajtor për shkatërrimin, e këto para nuk ishin të “Zysh Zikut dhe as të Bab Xhelës,” por të qytetarëve tiranas, që nuk luanin “bixhoz” me mllefet politike të Lulzim tritolit.
Nëse t’i qytetari im, ama qytetar, që ke parë dhe nuk ke qarë, e as ke qeshur, por ke heshtur kur luhej komedia tragjike, me fatet e Tironës tënde, e që nuk të duken asgjë 10 milion euro, po të kujtojnë ca milion të tjera. Nuk besoj se i ke harruar tritolin dhe ruspat e Berishës dhe Bashës, tek mbikalimi i Zogut të zi, ku kovat e rruspave dhe kallëpet e dinamitit, u mbushën me plot 5 milion euro?!
T’i thashë këto, që të mos dyshosh tek Lulzim shkatërrimi, ai e mbanë fjalën… të hedh në erë, nëse ka pushtet.
Të hedh në erë dhe nuk të paguan, sepse nuk ka paguar kurrë dhe vazhdon të glorifikoi krimet e tij, duke glorifikuar veten, me ato që nuk i ka bërë akoma… krimet e së ardhmes.
A e dini, se ka dy vendime të Gjykatës Kushtetuese, për këto dy krime të rënda të kryera nga qeveritari Lulzim Xhelal Basha, por nuk ka asnjë kallëzim, që do ta çonte pas hekurave tritolxhiun dhe rruspaxhiun?! Nëse do zgjohej shteti, ligji, policia kriminale dhe padrejtësia e frikësuar, ndoshta me këtë rast, 10 milionët e pallatit në Vlorë, do u ktheheshin qytetarëve të Tiranës, sepse nuk besoj se vjehrri do e linte në baltë, duke mos i’a kthyer paratë asetit familjar…dhëndërrit
A e dini, se me këto 15 milion euro, nuk do na duhej PPP, por do ndërtohej Teatri ashtu siç e do Luli, pa Fushën e tij?! Ndaj, Lulzim Basha duhet të na kthej me paderman paratë e “hedhura në erë” të qytetarëve të Tiranës, që ato të ndërtojnë me xhepin e tyre, të grabitur… çfarë të duan.
Nëse vazhdohet kështu, që askush të mos përgjigjet për krimet e tij, madje të guxoi të dali të kërcënoi, se ata që i ka bërë i bënë përsëri, atëherë më vjen keq, por nuk e dua këtë shtet, që nuk më mbron… të paktën xhepin nga hajduto-kriminel, që pshurren në brekë, vetëm ti godasësh me shuplakë.
Mosndëshkimi na ndëshkon ne, çdo ditë edhe verbalisht, kur i trimëruari me krime model, nuk lë vend pa folur për krimin dhe kriminelët! Kjo me dashje apo padashje, bënë palë në faj edhe ata, që nuk janë si ai… si ata, që mjaftohen me ca cicërima në “twitter” dhe presin andej… nga se presim ne.
Lulzimi, nëse doni tritol e rruspa ua jep dhe të jeni të sigurtë, që edhe i’u ndihmon besomëni, por mos u trembni, sepse ai i bënë “trimëritë” vetëm kur të vijë në pushtet… asnjëherë!/Ekskluzive.al