Një grusht i rëndë dhe një vlerësim për qeverinë nga Ambasada e Shteteve të Bashkuara të Amerikës në Tiranë e cila dënon me forcë vendimin e opozitës shqiptare, për të djegur mandatet e deputetëve.
Përmes një deklarate, ambasada amerikane shprehet se djegia e mandateve nga PD dhe LSI-ja minon demokracië dhe saboton integrimin e Shqipërisë, ndërsa u bën thirrje deputetëve të opozitës që të ngrihen mbi sherret politike dhe të refuzojnë vendimin e grupeve parlamentare, gjë që nënkupton braktisjen e rronxhobonxhove politik, të cilët për interesat e tyre po e fusin vendin në një rrugë pa krye.
Deklarata e ambasades se SHBA
“Një demokraci e shëndetshme kërkon një opozitë që funksionon në mënyrë konstruktive brenda institucioneve kushtetuese. Kërcënimet nga Partia Demokratike, Lëvizja Socialiste për Integrim dhe parti të tjera opozitare për të braktisur mandatet e tyre në parlament minojnë parimet bazë të demokracisë dhe sabotojnë përparimin e rëndësishëm që Shqipëria ka arritur në zbatimin e ligjit dhe qeverisjen e përgjegjshme.
Shtetet e Bashkuara iu bëjnë thirrje të gjithë deputetëve të ngrihen mbi sherret politike, të refuzojnë thirrjet për të braktisur mandatet e tyre dhe të mbrojnë idealet dhe parimet që janë me rëndësi thelbësore për çdo demokraci të fortë. Nëse dështoni të bëni punën tuaj, do të zhgënjeni njerëzit të cilëve keni privilegjin tu shërbeni”./Ekskluzive.al