Aktivisti Kuleta Cakalli që drejton OJQ “Këshilli i Shtypit”, i shkruan Presidentit Meta pas shqetësimeve të tij të fundit nga gazeta “TemA”.
“I nderuar zoti President!
Jemi të shqetësuar nga sulmet e fundit të gazetës “TemA” ndaj jush dhe stafit tuaj.
Në disa artikuj radhazi, kjo gazetë, ju ka portretizuar ju, si një mbrojtës të interesave të klaneve mafioze, sekser kontratash dhe kontraktues të personazheve të OFL, pasi morët në dorë listën e personave të skeduar nga OFL.
Të shqetësuar për këto sulme, ne si Këshill i Shtypit, shprehim solidaritetin tonë ndaj jush dhe jemi në dispozicionin tuaj për çfarëdo aksioni ndaj kësaj gazete.
Ne dhe herë të tjera kemi shkuar dëshmitarë në gjykatë kundër kësaj gazete, por në rastin tuaj e kemi dhe për nder, pasi mbrojmë një institucion të nderuar dhe një President që është model i luftës kundër krimit e korrupsionit në vend.
Ne kemi qëndruar pranë jush, sa herë që ju keni pasur shqetësime në biznesin tuaj në Ora News dhe gazetarët e saj. Ju kemi mbështetur, dhe do t’ju mbështesim për secilin gazetar që është i lidhur me Presidentin nën sllganin: “Ilir Meta dhe Kuleta është e vërteta”!
Ne propozojmë që tani e tutje, deklaratat kundër shtypit të na i përcillni ne, që ti bashkëshoqërojmq dhe me një ekspertizë që ju keni të drejtë.
Kjo e bën dhe më të besueshme luftën tuaj kundër shtypit regresiv dhe në mbështetje të shtypit që lufton krimin drogën dhe korrupsionin siç është rasti i biznesit tuaj “Ora news”.
Po ashtu ne jemi të gatshëm të kontribuojmë dhe me sulme personale ndaj asaj pjese të shtypit që nuk ju mbështet në misionin tuaj fisnik, kundër korrupsionit dhe krimit të organizuar. Çdo shqiptar beson se vetëm ju mund të na shpëtoni nga korrupsioni, pasi ju keni burrërinë ta merrni përsipër vetë atë dhe jo si këta të tjerët që vjedhin me shokë.
Na llogarisni dhe ne në këtë betejë të lavdishme.
Mezi pres të angazhohemi,
Kuleta Cakalli!”