Nga Av Romeo Kara
Kjo opozitë që në thelb është një bashkim i lukunive Meta-Berisha, ishte e qartë se as për 1000 vjet nuk do t’a fitonte moralin dhe besimin e popullit për të riardhur në pushtet.
Mafiozët Meta-Berisha, jo vetëm që nuk kanë hallin e pushtetit, por instiktivisht po mendojnë për mbijetesën e tyre.
Tashmë me djegien e mandateve, ata po i drejtohen mjetit të fundit që iu ka ngelur: destabilizimit politik dhe qeverisës.
Si inatçorë prej dështimit të protestës së djeshme, ata në mungesë totale të shpresës për të riardhur ne pushtet, zgjodhën destabilizimin.
Populli e detyroi këtë opozitë të dalë nga skena dhe vetëm frika e Rames apo kompromisi mund t’a ringjallë këtë opozitë.
Tani koha po teston Ramën, nëse do fundoset me këtë opozitë nëpërmjet kompromiseve në dëm të moralit, apo do rezistojë, mbijetojë dhe fitojë duke hapur një faqe të re të historisë.
Ka ardhur koha që Rama të respektojë institucionet, votën e popullit, mesazhet e dy mitingjeve në Vlorë dhe Tiranë, si dhe të zgjedhë ndërmjet Metës-Berishës-oligarkëve-të kaluarës dhe popullit-progresit-të ardhmes.
Për çdo kërcënim që i vjen nga Monika, Saliu dhe çuni i Fahriut, le t’i drejtohet popullit dhe institucioneve dhe do të bindet se nuk është vetëm në këtë përballje.
Asnjë kompromis me shkaktarët e Gërdecit, ÇEZ-it, Krrabës, 21 janarit etj.