Nisja e vaksinimit masiv të popullatës duket se po jep efekt në Shqipëri, pasi ditët e fundit ka patur një rënie të numrit të vdekjeve dhe infeksioneve. Ministria e Shëndetësisë bën me dije se 24 orët e fundit 2 persona kanë humbur jetën, duke e çuar në 2337 numrin total të viktimave që nga fillimi i pandemisë. Kujtojmë se dje u regjistruan 4 viktima.
“Me gjithë përpjekjet e stafit mjekësor, 2 qytetarë e kanë humbur betejën me COVID-19: 2 qytetarë nga Tirana, të moshave 82 – 85 vjeç. Krahasur me dje ka një rritje të lehtë të infeksioneve ditore. Autoritetet shëndetësore raportojnë se janë kryer 2652 testime, nga të cilat kanë rezultuar pozitivë 179 qytetarë. Dje u regjistruan 169 raste pozitive.
“Rastet pozitive të konfirmuara janë identifikuar në këto bashki:
38 raste në Tiranë, 16 në Fier, 12 në Gjirokastër, 11 në Durrës, 10 në Korçë, 9 në Shkodër, nga 8 raste në Vlorë, Gramsh, 6 në Skrapar, nga 5 raste në Devoll, Lezhë, nga 4 raste në Elbasan, Lushnje, Pogradec, Sarandë, Peqin, Këlcyrë, nga 3 raste në Krujë, Kurbin, Pukë, nga 2 raste në Kukës, Has, Mirditë, Mat, Tepelenë, Poliçan, nga 1 rast në Tropojë, Berat, Dibër, Malësi e Madhe, Maliq, Dropull.”, thuhet në buletinin ditor të ministrisë.
Ministria e Shëndetësisë dhe Mbrojtjes Sociale ju bën apel të gjithë qytetarëve të mos e ulin vigjilencën dhe të vijojnë të zbatojnë rregullat për parandalimin e COVID19: Vendosni maskën mbrojtëse në çdo ambient jashtë shtëpisë, shmangni grumbullimet, ruani distancimin fizik; kujdesuni për higjenën vetjake dhe vetëizolohuni kur dyshoni se jeni të prekur nga COVID19.