Pas zhurmës që ka shkaktuar intervista e Fatos Nanos në public, Bilushi i Metës vendosi të ndajë disa kritika publike mbi gabimet e Nanos në këtë intervistë:
“Të dashur miq!
Intervista e Fatos Nanos vuante nga gabime të rënda ideore dhe fakte që dëmtojnë interesin politik të opozitës.
1-Fatos Nano duhet të sulmonte Edi Ramën si njeriu që duhet t’i hap rrugë rrotacionit të Berishës dhe Metës më 25 prill.
Si ka mundësi që Nano vetë ka ikur nga pushteti që më 2005 dhe lejon Ramën të pretendojë të rrijë deri më 2025 në pushtet.
Kjo nuk është korrekte. Ai duhet t’i bëjë thirrje atij që t’i hap rrugë Berishës e Metës për 2025-n.
2-Fatos Nano duhet të dëgjonte Çim Pekën për idetë e tij të qarta ekonomike për taksën e sheshtë 9 për qind dhe të kuptonte se si duhej zhvilluar ekonomia në këtë mandat.
Kjo ka bërë që ai të ngelet mbrapa dhe të jetë injorant në ekonomi.
3-Fatos Nano duhet të dëgjonte Andi Bejten për të kuptuar se çfarë janë oligarkët, jo të merret me punë të biznesit të vet e të bëjë sikur merr vesh nga oligarkët.
4-Fatos Nano duhet të shikojë vilat e Lul Bashës, dhe ato tek Papuli, dhe ato në bregdet, e të mësojë si ndërtohen vila, jo të ndërtojë shtëpi kot, siç ndërton në Farkë.
5-Fatos Nano duhet të mësojë nga Ilir Meta se çfarë është atdheu, flamuri, kombi, Avni Rusemti, Mic Sokoli, Margarita Tutulani, e jo të thotë nuk më mungon.
6-Fatos Nano duhet t’i kërkojë një barcaletë me sms Ylli Dylgjerit, se ai ka 15 vjet që pret e s’ka kujt t’ia tregojë”.