Pas gafave të njëpasnjëshme të Lulit në publik, sa herë që ka punë me shifra apo data, Bilushi i Metës vendosi t’i ofrohet si vullnetar shtabit të Lulit për fjalimet e tij.
Propozimi i Bilushit të Metës është i thjeshtë.
Nga çdo fjalim do hiqen shifrat, llogaritë dhe datat.
Për t’ua demonstruar këshillën e tij, ai u çoi një shembull fjalimi:
Luli: – Të dashur studentë!
U kam thirrur të flasim mbi perspektivën e zymtë të studentëve në qeverinë ‘Rama’.
Ju tani keni të ardhura ….aq sa keni. E dini vetë ju.
Edi Rama ju takson dhe u merr shpirtin…
E dini vetë ju.
Kur të vijmë ne në pushtet, do rrisim të ardhurat tuaja….
E dini vet ju sa, aq sa t’u plotësohen dëshirat tuaja dhe taksimi do jetë… e dini vetë ju, aq sa të mos e ndjeni si problem.
Kështu ne do t’u shpëtojmë ju nga varfëria dhe do t’iu kthejmë dinjitetin në zgjedhjet e ardhshme, që ju e dini vet kur janë dhe e dini vetë për kë do votoni.
“Me këtë stil, unë mendoj që Luli jo vetëm u shpëton gafave, me shifrat dhe datat, por e bën dhe familjare bisedën, pasi i përfshin bashkëbiseduesit në projektet e tij, duke i bërë ata të ndjehen familjarë me reformat e tij dhe për më tepër, i bën ata zot të fateve të tyre.
Për këtë arsye propozoj që dhe sllogani i Lulit të jetë: “E dini vetë… ju vendosni!
Kjo do na shpëtonte nga gafat deri më 25 prill dhe do ta bënte fushatën më serioze”, shkruan Bilushi i Metës.