Pas debateve në shtyp, se LSI ka fotokopjuar programin e saj të vitit 2009, për vitin 2021, Bilushi i Metës dha këtë sqarim për gazetarët:
“Të dashur miq!
Kam parë komente dashakeqe, pse LSI ka kopjuar programin e 2009-s.
Nuk është ndonjë lapsus dhe as ndonjë përtaci e kryetares për të bërë program të ri, se dhe atëhere ajo vetë e ka bërë.
Por siç e dini, kryetarja e LSI është e prirur nga mistika dhe beson tek misticizmi, si fenomen në politikë.
Ajo thotë që më 2009, LSI ka shpëtuar në fije të perit nga eleminimi politik dhe ka hyrë në Qeveri duke u rritur dhe shumëfishuar pas saj.
Dhe këtë e lidh me programin e 2009-s.
Programi i 2009-s na dha koalicionin e parë të ëndrrave me PD.
Prej atëhere s’kemi qenë më në koalicion qeveritar, por vetëm opozitar.
Ndaj dhe rimarrja e atij programi shikohet si fat.
Programi i 2009-s i ka sjellë LSI-së rritjen më të madhe politike, pasi nga 4 deputetë që kishte më 2009, i bëri 20 deputetë më 2013.
Po të llogarisësh që gjatë atij mandati doli kaseta e Metës me Priftin, u bë 21 janari dhe gjëra të tjera, dhe prapë u rritëm, tregon se ai program e ka një magji.
Sa më keq të të shkojë, aq më shumë rrritesh.
Së fundmi, programi i 2009-s ka qenë i begatë dhe në aspektin familjar, pasi ndëruam shtëpinë, nga Laguna Blu në Lalëz, dhe u afruam me Doktorin afër me vila, gjë që e rriti dhe më shumë miqësinë tonë.
Për këtë arsye i jemi rikthyer atij programi.
Është çështje e misticizmit ku beson kryetarja jonë”.