Deputetja e Partisë Socialiste, Blerina Gjylameti tha se protesta u shua pas reagimit të ambasadores Juri Kim.
Sipas saj, kjo protestë ishte një plan për rikthim të dhunshëm në pushtet të opozitës.
“Pse u shuan protestat? Kjo erdhi pasi kishte një reagim të ambasadores së SHBA-së në Shqipëri, Juri Kim. Pas një komunikimi të ambasadores dhe Monika Kryemadhit protesta u shua.
Kjo tregon që kjo protestë ishte një plan për rikthim të dhunshëm në pushtet. Pse proteston një 14-vjeçar? Një 14-vjeçar nuk proteston dhe nuk sulmon institucione përkatëse. Ata të rinj janë keqpërdorur nga politika. Plani ishte përdorimi i adoleshentëve sepse ato nuk i kap ligji”, tha Gjylameti për News24.