Irani është përfolur gjatë për një përjashtim të mundshëm nga Kupa e Botës Katar 2022. Mbështetësit për këtë vendim po shtohen dhe një prej tyre është edhe CEO i Shahtjor Donjetskut.
Sergei Palkin bën thirrje për përjashtimin e Iranit, ndërsa në krahun tjetër ofron Kombëtaren e shtetit të tij për të zënë vendin që do të mbetej vakant.
“Ukraina duhet të marrë vendin e Iranit në Kupën e Botës. Ajo e vërtetoi se meriton të marrë pjesë në Kupën e Botës. Në kushte të pabarabarta me ekipet e tjera gjatë ‘play off‘-it, ata luajtën me zemër”, ka thënë Sergei Palkin