Ka përfunduar takimi i Këshillit Politik, në të cilën PD prezantoi edhe një draft me 5 pyetje ku kërkon ndërhyrjen e OSBE/ODIHR në proces.
Pas përfundimit të mbledhjes, përfaqësuesi i PS, Damian Gjiknuri mbajti qëndrimin e perë se do të kërkojnë asistimin e ODIHR vetëm mbi drafte konkrete.
“Opozita erdhi sërish me të njëjtën retorikë. Për aq kohë sa kemi debate politike nuk mund ti drejtohemi ODIR. Hajdeni me propozime konkrete. Zonja Hajdari ka një draft, të vijë edhe ata.
Ky këshill është bërë për të diskutuar me opozitën jashtë parlamentare.
Në Këshill duhet të vijnë me propozime dhe jo me studio e deklarata, por të shkruar në letër.
Tentativat përsëriten të njëjtat letra njëherë në shqip e njëherë në anglisht, që bëhen vetëm për të minuar këtë proces. Ne nuk do ta lejojmë këtë, në ditët që mbeten ne jemi të gatshëm 24 orë për propozimet e tyre, si të duan ata”, deklaroi Gjiknuri.