Politikani, deputeti, njëherësh kritiku i artit Vittorio Sgarbi është nxjerrë me forcë nga parlamenti italian.
Me këtë fjalë, mes breshërisë së duartrokitjeve të të gjithë të pranishmëve, zëvendëspresidentja e Dhomës së Ulët të parlamentit italian, Mara Carfagna, përjashtoi Vittorio Sgarbin, duke e nxjerrë jashtë me forcë.
“Nuk mund të ofendohen kolegët duke përdorur fjalë të pista”, tha Carfagna mes duartrokitjeve të sallës.
Konfrontimi lindi pasi Sgarbi nisi të kritikonte ashpër ligjin e ri për drejtësinë dhe nisi të quajë gjykatësit italianë ‘mafiozë’.
Por pas kërkesës së kryetares për të ndaluar retorikën e tij ai iu drejtua Carfagna-s dhe deputetes së Forza Italia, Giusi Bartolozzi, me fjalë rruge si “vaffanculo”, “stronza”, “troia” dhe disa të tjera që nuk kuptoheshin mirë në sallë.
Pas refuzimit të kërkesës së Carfagna për të dalë nga salla, katër deputetë të ‘Fratelli d’Italia’ dhe të ‘Lega’ e ngritën peshë atë, dy nga këmbët e dy nga krahët, mes duartrokitjeve të sallës që thërriste “Turp, turp!”
Carfagna tha më pas se Sgarbi “e ka transformuar këtë sallë në një “show’”.
“Nuk është hera e parë që ai e përdor parlamentin për ndërhyrjet e tij të pandershme”, shtoi ajo.