Një ngjarje e pakëndshme ka ndodhur në Australinë e largët, ku vëmendjen e mediave e ka tërhequr rivaliteti dhe polemikat mes Serbisë e Shqipërisë. Fjala është për tifozët e skuadrës së futbollit Shkëlqimi i Shqiponjave të Veriut, në Melburn të Australisë, të cilët kanë shumë mbështetës të zjarrtë shqiptarë, dhe janë ndaluar të shikojnë në stadium ekipin e tyre duke luajtur kundër një ekipi që ka tifozë serbë, për shkak të frikës nga dhuna.
Policia e Viktorias ka dhënë një vendim për këtë ndeshje futbolli, për mbështetësit e skuadrës që ka edhe në përbërje një trajner dhe një pjesë të lojtarëve nga Shqipëria, duke pasur frikën e një përplasjeje mes tifozerive që mund të përfundonte në dhunë fizike.
TIFOZËT SHQIPTARË – Mbështetësit e skuadrës “North Sunshine Eagles”, shumica e të cilëve shqiptarë janë përjashtuar nga ndeshja kundër “Springvale White Eagles”, të cilët numërojnë shumë serbë në bazën e tyre të grupimit të tifozëve. Dy vendet europiane kanë një marrëdhënie të trazuar për shkak të një sërë incidentesh historike dhe përplasjesh politike, si dhe një ndeshje futbolli të ndërprerë midis dy kombëtareve në vitin 2016 pas përleshjeve të lojtarëve me tifozët.
293311328 5641309609264488 4198525057801772773 N
TRAJNERI – Ndërkohë, trajneri i Shqiponjave të Veriut, shqiptari Ben Isai duke folur për “Herald Sun” tha se ishte i zhgënjyer nga ky hap drastik. “Është e trishtueshme që këto lojëra klasifikohen si me rrezik të lartë sepse unë e kuptoj anën politike të saj dhe të gjitha ato gjëra, por në fund të ditës ne po përpiqemi të luajmë futboll. Duke pasur turma të mëdha që mbështesin ekipin e tyre në një mënyrë pasionante, nuk ka asgjë të keqe me këtë për sa kohë që është e përmbajtur, që është në 98 për qind të rasteve”, u shpreh ai.
Isai shtoi se tifozët e klubeve të tjera në kompeticionin e Premier League 3 kanë qenë fajtorë për sjellje të keqe këtë sezon. Sa i përket ndeshjes, e luajtur ditën e djeshme, ajo përfundoi me fitoren e Shqiponjave të Veriut me rezultatin 2-3.