Ministri i Jashtëm i Greqisë, Niko Dendias do të vizitojë sërish Ankaranë ditën e nesërme për të vazhduar raundin e bisedimeve mes dy kombeve.
Protothema shkruan se Dendias do të takohet me Mevlüt Çavuşolulu ku do të diskutojnë të gjitha çështjet me interes dypalësh si dhe migracionin.
“Ne duhet të mësojmë të jetojmë me Turqinë duke mos u pajtuar. Nuk ka asnjë arsye për të mos bërë vizitën e Ministrit të Punëve të Jashtme në Turqi.
Nëse ne presim që gjërat të qetësohen dhe të restaurohen plotësisht, vizita nuk do të ndodhte kurrë,” tha një zyrtar qeveritar duke konfirmuar takimin dy palësh.
Bisedimet teknike mes palëve u rikthyen më 25 Janar kur u zhvillua raundi i 61-të në Stamboll, pas 5 vitesh ndërprerjeje.
Greqia dhe Turqia nuk janë në dakordësi për çështjen e Detit. Të dyja vendet kanë zhvilluar 62 raunde bisedimesh, por pa sukses.
Tensionet kapën kulmin në muajin gusht 2020, kur Turqia dërgoi anijen eksploruese Oruç Reis në Mesdhe, në ujëra që grekët thonë se janë të tyre.