Një foto dhe një Kallëzim Penal Nr. 5058/k Prot, datë 29.06.2020, si kujtesë për SPAK-un, që të hetojë Dritan Boçin, me detyrë Shef Kontrolli Tatimor i Terrenit në Tiranë, ose tmerri i bizneseve, që u zhvat miliona si kriminelët gjobë-venës, jo me kobure e maskë por me presione sekuestrimi mallrash e bllokim aktiviteti, duke u tjetërsuar nga një kamarier varfanjak i prangosur për vjedhje, në zotërues pasurish të shumta e jetë luksi
Faktet e “doçit” tatimor të korrupsionit Dritan Boçi, kanë lidhje me dosjen e tij penale, si i prangosur e dënuar për vjedhje në vitin 2012 dhe pas ardhjes së PS në pushtet, u punësua në tatime, me një karton “Diplomë Juridiku” që nuk e dorëzon as në zyrën e Burimeve Njerëzore.
Për të rejat më të fundit behuni pjesë e grupit tonë VIRAL në facebook : PAMFLETI
-Lexo edhe:
Një Kryeministër paranojak, një ish-kryeministër i rrjedhur që e pret burgu dhe shqiptarët e trazuar të Amerikës
Arjana Fullani u vë syrin tenderave në shëndetësi, ushtarja e Metës dhe Berishës ia mbathi nga drejtësia me pasuri përrallore
Prapa denoncimeve të shumta, që kanë bërë bizneset ndaj tij për zhvatje, qëndrojnë apartamente, toka, makina, shtëpi bregdetare, verore e dimërore dhe 3 biznese që i ka në aktivitet, por nuk paguan asnjë qindarkë në tatime ku është vetë krye-kontrollor.
Sot po publikojmë një fakt penal, lidhur me 1 kat shtesë të paligjshme, që shefi i kontrollit tatimor, Dritan Boçi, ka bërë te një pallat në adresën: “Rruga “Petro Nini Luarasi”-Njësi nr. 2, te Tregu Elektrik Tiranë, te supermarket “Spar”.
Këtë shtesë kati, më sipërfaqe 310 m2, ai e ka bërë mbi apartamentin, po me sipërfaqe 310 m2, blerë në vlerën 300 mijë Euro, vetëm dy vite pasi u gradua shef i kontrollit tatimor, duke e deklaruar si të blerë me kursime nga paga.
Nuk e dimë, sa milionë lekë i ka kushtuar shtesa e katit mbi apartamentin, por dimë që ajo është ndërtuar pa leje dhe ekziston në dosjet e IKMT të Shqipërisë e të IMT-Tiranë për ta prishur.
Po kështu, dimë faktin, se ndaj Dritan Boçit, Inspektoriati i Mbrojtjes së Territorit, ka dorëzuar Kallëzim Penal Nr. 5058/k Prot, datë 29.06.2020 në Prokurorinë e Tiranës, me akuzën “Zaptim mjedisesh të përbashkëta dhe ndërtim të paligjshëm”, sipas nenit 199/a të Kodit Penal.
Ndërsa Procedimi Policor nr. 154/3, datë 20.06.2020 bërë në Drejtorinë e Policisë Tiranë, u zhduk nga drejtori Rebani Jaupi, me urdhër të Ministrit Sandër Lleshaj, i cili rezulton bashkëfshatar dhe i afërm me Dritan Boçin në zonën Selitë-Mërkurth të Mirditës.
Kujtojmë, se po për shkak të këtyre lidhjeve, IMT e Bashkisë Tiranë, me urdhër të Erion Veliajt, tërhoqi procedimin penal ndaj Dritan Boçit dhe i fshiu gjobën 5 milionë lekë të reja, vënë me akuzën “Ndërtim pa leje dhe uzurpim e dëmtim mjedisesh të përbashkëta”.
Çudi është, se prej 1 viti e gjysmë, Prokuroria e Tiranës nuk po vepron ndaj ndërtuesit të paligjshëm Dritan Boçi me detyrë shef kontrolli tatimor, paçka se ka dosjen e plotë të depozituar nga Inspektorati i Mbrojtjes së Territorit.
Por ndaj Dritan Boçit të tatimeve, SPAK duhet të fillojë hetimin për krim ekonomik, nëpërmjet abuzimit me detyrën, ndërtim të paligjshëm e kleçka të tjera penale para marrjes së kësaj detyre.
Sipas provës konkrete që publikojmë, duhet hetuar burimi financiar i blerjes së apartamentit 310 m2 me vlerë 300 mijë Euro, dy vite pas gradimit shef tatimor; dhe fondet për shtesën e katit po kaq metër katror mbi tarracën e pallatit, që është tavani i apartamentit të tij, kur në 7 vite punë, ky xhambaz ka patur pagë mujore 68-78 mijë lekë.
Përveç kësaj prove, SPAK-ut po i kujtojmë, se Dritan Boçi është bërë tmerri i bizneseve në Tiranë; të cilëve u zhvat gjoba tamam si kriminelët, veçse jo me maskë e kobure natën, por në mes të ditës, me presione sekuestrimi mallrash, gjoba të larta e bllokim aktiviteti.
Në vijim, do publikojmë fakte, për të vërtetën e kartonit “Diplomë Juridiku”; për fshehjen e dosjes penale duke u punësuar në tatime; për jetën e luksit, për bizneset ilegale dhe dëshmi biznesmenësh, që tregojnë se Boçi i ka rrjepur miliona lekë./Pamfleti