SHBA i di Sali Berishës jo vetëm vjedhjet e krimet, por edhe sa herë flet me vete/ Në çdo Foltore, plaku digjital “non grata” deklaron se ndaj tij dhe familjes së tij, nuk ka asnjë dosje apo hetim për korrupsion apo përfshirje në marrëdhëniet e qeverisë me bizneset që kanë operuar me licensa e fonde publike, por vajza e tij është zhytur dhe në pastrim milionash me mikun familjar serbo-boshnjak Damir Fazlliç, të cilin Saliu e bëri anëtar të Këshillit të Sigurisë Kombëtare.
Në çdo Foltore, plaku digjital “non grata”, deklaron se ndaj tij dhe fëmijëve të tij, nuk ka asnjë dosje e hetim, për korrupsion apo përfshirje në marrëdhëniet e qeverisë me bizneset që kanë operuar me licensa e fonde publike, por në fakt SHBA di edhe sa herë Sali Berisha flet me vete.
Si kujtesë për Saliun, “Pamfleti” po ri-publikon një dosje krimi ekonomik-financiar të quajtur dosja “Fazlliç”, ku vajza e tij Argita Berisha është e përfshirë dhe hetuar, si konsulente juridike e serbo-boshnjakut Damir Fazlliç dhe pronare toke, që i ka shitur atij 15 hektarë në Porto-Romano.
Dosja ka dokumente shkresore tatimore, hipotekore e bankare shqiptare dhe të Qipros, që vërtetojnë se Damir Fazllic, nëpërmjet zyrës juridike të Argita Berishës, ka krijuar 6 kompani offshore në Shqipëri, me të cilat ka bërë tjetërsime kapitalesh e transaksione miliardash fikvie.
Në dosjen Nr. 3258 me 127 faqe, të përgatitur nga prokurori Genti Xholi, është faktuar pastrimi i 132 milionë Euro korrupsion në Shqipëri-Qipro, bërë nga serbo-boshnjaku Damir Fazlliç gjatë pushtetit “Berisha”, së bashku me Argita Berishën, duke përdorur ortaken e saj Flutura Kola.
Këtë e fakton, Kërkesa Nr. 212/32 Prot., datë 23.12.2008, që prokurori Genti Xholi i ka drejtuar Gjykatës së Lartë të Republikës së Qipros, me objekt “Letër porosi për ndihmë gjyqësore ndërkombëtare, në lëndë penale”, për aktivitetin ndërkombëtar të pastrimit të parave të krimit, nga Damir Fazlliç e Flutura Kola, ortake e Argita Berishës.
Ja pjesë nga kërksës penale me 32 faqe, dërguar Gjykatës së Qipros:
Prokuroria e Tiranës, ka regjistruar Procedimin Penal Nr. 3258, datë 7.10. 2008, në ngarkim të Damir Fazlliç, shtetas boshnjak, i datëlindjes 26.09.1975, për veprën “Pastrim i produktit të veprës penale”; lutemi të na dërgoni, provat për sa vijon:
– Të dhëna, për lidhjet, aktivitetin dhe bizneset, që disponon në Qipro, personi Damir Fazlliç.
– Të dhëna, për Sandra Berberoviç, Vojin Lazareviç, Andri Athanasiou, Theano Christofi, Anna Andreou, nëse për këta kryhen hetime apo procedura gjyqësore në Qipro dhe me çfarë objekti.
– Të dhëna për shoqëritë “Altaria Research Limited”, “Avomar Limited” dhe “Amerito Limited”; nëse ka aktivitet në Qipro dhe cilët janë anëtarë bordi dhe ortakë.
– Të dhëna për shoqëritë “Poligraf Invests Limited”, “Iron Gold services”, “Pluto INC Co LTD” e “Kelena LTD”, nëse kanë aktivitet në Qipro dhe cilët janë anëtarë bordi e ortakë; dhe dhëna për transferta të bëra deri tani nga“Iron Gold services LTD” për llogari të Damir Fazlliç.
FAKT/ Në dosje, përveç Damir Fazlliçit janë hetuar edhe Argita Berisha e Flutura Kola, si ortake të studios ligjore “Malltezi&Kola”, që ka firmosur akt-themelimet, kontrata shit-blerjesh e transaksione bankare, të 6 firmave që Damir Fazlliç hapi në Shqipëri në vitet 2005-2008.
Po kështu, Argita Berisha, është hetuar për pastrim parash, lidhur me shitjen e 15 hektarë tokë në Porto Romano, me të cilën fitoi 1.2 milionë Euro, vetëm nga transaksioni blerje me 10 Euro/m2 gjatë pushtetit të babait kryeministër, shitur 18 Euro/m2 te miku serbo-boshnjak Damir Fazlliç.
Ndërsa Damir Fazlliç, brenda ditës si me magji, gjeti blerësin pakistanez Zafar Ansar, i cili donte të ndërtonte Park Industrial mbi atë tokë në Porti-Romano, por u tërhoq, mbasi Argita i kërkoi 3 milionë Euro që t’i siguronte lejen ndërtimore e mjedisore te babai kryeministër.
Në vijim do publikojmë një dosje tjetër, me aferë 20 milionë Euro, bërë nga Argita e Shkëlzen Berisha me 2 turq, 1 qipriot e 1 maqedonas./Pamfleti.