Pjetër Gocaj, babai i dy djemve të vrarë pas mesnate në Velipojë, Xhovanit, 25 vjeç dhe Edmondit, 38 vjeç, ka folur për mediat pak orë pas ngjarjes së rëndë.
Ai thotë se sherri ka ndodhur për plazhin dhe se djali i madh me dokumente angleze kishte ardhur për të investuar në Velipojë.
“Kjo që ka ndodhur mos i ndodhtë më kujt, mua më është fikur dera e shtëpisë. Uroj qe mos ti ndodh askujt. Nuk e kuptoj si ka ndodhur konflikti por e di që për shezllone.
Më kanë vrarë tek dera e shtëpisë, më kanë vrarë dy djemtë. Çfarë më duhet jeta më. Vitin e kaluar i kam pasur unë shezllonet, këtë vit ia kanë dhënë atij.
Ne kemi pritur që të ndahen shezllonët, sepse kanë qenë pa u ndarë ende, ata kanë ardhur dhe na vranë në shtepi. Uroj mos t’i ndodh më kujt se peshën e rëndë të kësaj ngjarje e kam unë mbi supe.
Asgjë nuk dimë. Më kanë vrarë djemtë. Ne i kemi vendosur shezllonet përpara se të bëhej ndarja nga shteti e shezllonëve dhe ishim në pritje kur të vendosej kjo ndarje për të shikuar se ku i kemi ne dhe ku i kanë ata.
Ata erdhën dhe qëlluan djalin e madh të parin që ishte me dokumenta angleze, i cili ka ardhur për të investuar dhe punuar. Pastaj qëlluan edhe djalin tjeter, djali i dytë i ka qëlluar edhe ai.
Kur ka ndodhur nuk kam qenë këtu por nuk kanë ardhur për të folur përderisa kanë ardhur me armë tek dera e shtëpisë. Uroj mos ti ndodh më askujt”, deklaron ai.