Rita dhe Roza janë padyshim dyshja nënë e bijë më cool dhe që ngjajnë shumë me njëra tjetrën. Rita është një mit i humorit ndërsa Roza solli një ajër të ri në moderim në Shqipëri. Të gjithë e dimë që Roza ka një marrëdhënie shumë të ngushtë me të ëmën e cila është e divorcuar. Por kush është babai i Rozës?
Babai i Rozës quhet Kristo Lati. Roza mban mbiemrin e tij, por edhe Rita e cila e ka mbiemrin Rudo mban ende mbiemrin e ish-bashkëshortit.
Kristo ka edhe një djalë nga një grua tjetër përveç Rozës. Ai quhet Eri Lati dhe Roza ka postuar disa kohë më parë foto me të. “Vëllai im me një mama tjetër”, shkruante Roza ndërsa Eri me komentin e tij tregonte sa i dhimbshëm ka qenë ky takim. “Buzëqeshje e shtirur duke fshehur dhimbjen që ndjej në të vërtetë. I stresuar si dreqi… Të dua”, komentonte vëllai i Rozës.
Nga kërkimet tona nuk gjetëm asnjë foto të Kristos duke e bërë akoma më të mistershme të gjithë këtë histori.
Në një intervistë Roza ka rrëfyer për dhunën në familjen e saj dhe fëmijërinë e veshtirë. “Fëmijëria ime ka qenë shumë e vështirë. Kam kaluar një fëmijëri të cilën nuk do doja që ta kalonte asnjë fëmijë tjetër, me dhunë familjare. Po i them këto gjëra troç këtu për t’i lënë njerëzve të kuptojnë se nëse më cilësojnë si llasticë tani, dua ta dinë që është thjesht flluska që unë i kam vënë vetes”, është shprehur Roza.
Nuk e dimë sesa ka ndikuar fëmijëria e saj në atë që Roza është sot: një vajzë e dhembshur që kujdeset vazhdimisht për kafshët por edhe për njerëzit duke u bërë një model për të rinjtë shqiptar.