Nga Anri Bala
Monika Kryemadhi, Sali Berisha, Ilir Meta, janë shumë aktiv nëpër mediat e gallatës, që vetëm media nuk janë.
Madje, aq shumë “hanë” publikisht, sa u kanë shterur llogjet dhe përsërisin çdo ditë të njëjtat gjëra, që nuk kanë asnjë lidhje me realitetin, duke ia kaluar edhe imagjinatës më të shfrenuar të strehës së të marrëve… spitalit psikiatrik.
Sali Berisha, ka gjetur një “lugat” me emrin Soros, që as nuk e di se ekziston një “askush” si Saliu, për t’i mbushur mendjen vetes dhe atyre, që nuk kanë mend as sa të ngrejnë poturet, se personi që e ka shpallur “non grata”, ështa një miliarder amerikan dhe Edi Rama, duke i dhënë këtij të fundit një fuqi “titanike” si manipulues i SHBA-së.
Kjo sigurisht është një gënjeshtër tepër e rëndomtë, që ia kalon edhe trillimeve të konpiraconistëve më të famshëm të botës fantastiko-shkencore për politikën e SHBA.
Ndërsa Monika me Ilirin, megjithëse u lodhën e u coptuan për të gjetur një “Soros” të tyrin, nuk ia dolën dot. Tani e kanë mbledhur mendjen dhe janë të vendosur, se ata as që duan t’ia dinë për Amerikën. Ata tashmë e kanë bindur veten, se kanë punë me ata që i “duan marrëzisht”, që i kanë përdorur si aset pasurimi… “popullin e tyre”.
Por se kush është populli i tyre vetëm ata të dy e shikojnë… me nuhatje, si njerëz me luhatje mendore?!
Realisht ata kanë humbur konceptin e perceptimit dhe vuajnë nga daltonizmi, që mirë që nuk dallojnë ngjyrat, por nuk dallojnë as fytyrat. Mjafton ta pështysh në surrat njërin nga bashkëshortët dhe pa asnjë dyshim je pjesë e “popullit” të tyre. Fatkeqësisht këtë perceptim kanë edhe për shtetin amerikan.
Janë vërtetë të çekuilibruar mendërisht, kur deklarojnë se me Amerikën i kanë marrëdhëniet “vaj”, paçka se zonja e parë e LSI dhe e dyta e presidencës bashkë me presidentin në shkarkim, kanë vite që i ka mbuluar mospërfillja fyese e administratave amerikane, si shenjë e ogurit të zi.
Trimërim i zonjës që bënë sikur nuk kupton dhe nuk dihet se kujt i drejtohet me ulërima se: “Ça pastaj? Ça do me thënë Non Grata?! Unë nuk jam shtetase amerikane. Ju mendoni se të qenurit “Non Grata” në Amerikë të bëjnë të mirë me njerëzit me të cilët jeton. Ti jeton me njerëzit e tu këtu”, të lë vërtetë pa fjalë.
Ndërsa bashkëshorti i çoroditur, por që i kanë ngelur dhe dy kokrra në degën e mendjes, deklaron se “Non grata” më bën për të qeshur dhe se ai i druhet vetëm qëndrimit të shqiptarëve dhe nuk pyet për të huajt, pra SHBA, sepse ai ka qenë gjithmonë korrekt”.
Por një sqarim se cili është fundi i tmerrshëm i personave non grata:
Personat e shpallur non grata përbëjnë kërcënim për sigurinë kombëtare të SHBA, konfirmohet edhe nga një njoftim i Shtëpisë së Bardhë të vitit 2017, ku sqarohet se njerëzit nga Ballkani të shpallur non grata “vazhdojnë të paraqesin kërcënim të madh për sigurinë kombëtare dhe politikën e jashtme të SHBA-së”. Pra, përveç minimit të demokracisë në vendet e tyre, DASH u ndalon hyrjen në SHBA politikanëve të korruptuar, duke i identifikuar si kërcënim për sigurinë kombëtare.
Në fund të vitit të kaluar, Shtëpia e Bardhë miratoi strategjinë në luftën kundër korrupsionit dhe një ndër elementët kyç të kësaj strategjie është edhe ngritja e departamentit që do të merret me sanksione ndaj të korruptuarve. Kjo do të thotë, se të gjithë personat të cilët janë “non grata” do të futen në skaner për pasuritë që mund të kenë në Shtetet e Bashkuara të Amerikës si dhe llogari bankare dhe biznese, në vendet partnere dhe në vendet ku akuzohen të cilat mund të bllokohen më pas. Sipas strategjisë do të ketë një koordinator antikorrupsion vetëm për Ballkanin.
Pra ky është ligji për personat non grata dhe me këto që po dëgjojmë, nëse do i shikojmë, dënimi i Saimir Tahirit është lule krahasuar me fundin e tmershëm të Saliut, Monikës, Ilirit dhe gjithë qafirëve me e pa pushtet, por që i pret një fund i tmerrshëm dhe sot po jetojnë tmerrin pa fund! Marrja e pasurisë është marrja e shpirtit… dalëngadalë./Ekskluzive.al