Gazetarja Desada Metaj është tallur me Gaz Bardhin, i cili ka thënë publikisht se ka dorëzuar padi ndaj Olsi Ramës, ndërkohë që thjesht ka çuar një informacion të marrë nga thashethemte de dikurshme të shpifjeve të Lulit. Në një postim në rrjetet sociale, gazetarja shkruan:
“Sot, në 1 prill është dita e duhur për të deklaruar se ndaj Olsi Ramës është dorëzuar padi në Spak. Sa për ta ditur, midis padisë dhe kërkesës për indicie nisjesh hetimesh ka një diferencë të madhe. E nëse servilët e dikurshëm dhe ushtarët e non gratave mendojnë se Spak varet nga idetë e tyre për të nis hetimet,mirë bëjnë të kalojnë një xhiro nga rrugica shpresës. Se mbase ftillohen se si punon Spak”.
Nënkryetari i Foltores, i është përgjigjur duke nxjerrë mandatet e Postës dhe dokumentin që nuk është gjë tjetër veçse një info.
“Janë shumë argëtuese këto teoritë konspirative që merren me gjithçka që s’ekziston, përveç të vërtetës. E vërteta qendron në kërkesën time zyrtare të dorëzuar në SPAK për nisjen e hetimeve ndaj Olsi Ramës. Faktet e publikuara ngrenë dyshime të arsyeshme për përfshirjen e tij në çështjen “Xibraka” për trafikun e drogës.
Të apasionuarve pas teorive të sajuara dhe të dështuara konspirative u uroj Gëzuar 1 Prillin, sepse vetëm gënjeshtra u ka mbetur si arma më e fortë! Por, sado të përpiqen, që me shkrime, statuse, kronika, komente të zhbëjnë lidhjen e Olsi Ramës me grupin kriminal të kokainës, TIMS-i dhe dosja janë aty. As nuk të lënë të gënjesh, as nuk të lënë të sajosh”, shkruan Bardhi
Mirëpo përderisa TIM dhe dosjet janë aty çfarë pune ka Bardhi me këtë përrallë dhe me çtë drejtë sugjeron dhe i bënë kërkesë SPAK të nisi hetimet a thua se është Kryeprokurori i Saliut.
Dy ditë më parë, botuesi i Gazetës TemA, Mero Baze, theksonte në editorialin e tij se Bardhi nuk ka çuar padi ndaj SPAK por vetëm një letër informuese të çuar me postë, thjesht sepse i frikësohet një “Babale 2”, siç ndodhi në rastin më parë, kur për gënjështrën që sajoi, Gjykata dënoi deputetin e PD-së, Ervin Saljanji.
Sot Bardhi konfirmoi plotësisht atë që shkruante Mero Baze dy ditë më parë.
TemA