Nga: Mero Baze
Dy gra të Partisë Demokratike kanë firmosur një letër të vendosur para nga Lulzim Basha dhe kanë dorëzuar mandatin e tyre për të hyrë në Kuvend një biznesmen. Teksti identik i dorëheqjes, kompjuteri i njëjtë i Kuvendit, gabimet e njëjta ortografike, dhe gjithçka tjetër, provon se ato thjeshtë u urdhëruan të ikin nga lista për të hyrë një biznesmen, i cili mendon se mandati deputetit, e mbron nga problemet që mund të ketë me ligjin.
Noteri i kësaj historie të turpshme, është Lulzim Basha. Për këdo që do të dijë respektin që ai ka për gratë e Partisë Demokratike, ky është rasti më ilustrues i mundshëm.
Në të njëjtën ditë, një tjetër grua e borderosë së Lulzim Bashës në PD, Grida Duma, është përballur me një agresion nga shtypi, për shkak të shkëmbimeve të mesazheve me gjuhë të tejkaluar erotike dhe perverse me një deputet tjetër të Partisë Demokratike. Për shumë vet sidomos femra që e kanë kuptuar këtë si një agresion të deputetit ndaj saj, duhet ti sqarojmë se është fjalor përkëdhelës mes tyre, dhe jo agresiv, por kjo është çështje e tyre private.
Por ajo që ka rëndësi është tipi i gruas që Lulzim Basha promovon dhe i hap rrugë në politikë dhe tipi i grave që as nuk i pyet kur i flak nga politika, ose u blen mandatin me lek.
Në të dyja rastet kemi një standart poshtërues të tij për gratë, dhe personalitetin e tyre.
Dy gratë e poshtërura të listës së Beratit, që po i marrë të mirëqëna si gra të Partisë Demokratike, janë fyer dyfish nga Lulzim Basha. E para janë fyer që janë urdhëruar të tërhiqen nga lista politikisht dhe ky është versioni më i butë dhe më krenar i tyre. E dyta janë fyer, nëse është e vërtet që u është blerë mandati i deputetit. Në të dyja rastet ato edhe pse janë indivdualisht gra korrekte dhe në punë të tyre, ato janë ekspozuar si mall në treg nga kryetari i Partisë Demokratike, duke i nxjerr mandatet e tyre në shitje.
Në rastin e Grida Dumës është e njëjta gjë, por nga ana tjetër. Duke qenë një grua e promovuar nga Lulzim Basha me çdo mjet, ajo vjen nga disa histori jo shumë të pranueshme për një politikane, që e lidhin atë me partnerë në biznese dhe skema financiare të dështuara. Dhe mos më thoni që në politikë, nuk ka rëndësi historitë personale për publikun. Ajo që nuk ka rëndësi është jeta private, por jo mënyrat e pista se si është përdorur jeta private për përfitime financiare dhe politike. Askush në botë nuk do ta neglizhonte partneritetin e një gruaje me ndërtues, apo bankierë, që pastaj ta përdorte si trampolinë në politikë.
Pra në nëse në rastin e pare kemi dy gra në punë të vet, që Lulzim Basha i nxjerr në treg dhe i shkëmben me lek mandatet e tyre, në rastin e dytë, kemi një personazh kontravers, që Lulzim Basha e legalizon si politikane.
Pra në të dyja rastet Lulzim Basha ose tenton të përdor PD për të pastruar një histori kontraverse tek një grua biznesmene e dyshimtë, që do të hyj në politikë, ose bën pisë dy gra të PD, në punë të tyre, duke i njollosur si gra që kanë shitur mandatin e tyre.
Është mënyra se si ai, si politikan, “respekton” gratë. Ose shet mandatet e tyre me lek, ose i vë të blejnë të shkuarën e tyre.