Pak ditë më parë, ish ministri i Energjitikës dhe Infrastrukturës Damian Gjiknuri, është marrë në pyetje nga Prokurorët e Posaçëm Anti-Korrupsion për rreth 6 orë pranë ambienteve të SPAK.
Sipas deklaratave të Gjiknurit, që ishin të kursyera përballë gazetarëve, funksionari i lartë shtetëror kishte shkuar si person në dijeni për një çështje që kishte të bënte me detyrën e tij gjatë kohës që mbante pozicionin e ministrit.
Burime komfidenciale për ekskluzive.al mësojnë se ish ministri i skandaleve është thirrur në SPAK, edhe sepse ndaj tij ka nisur një hetim pasuror.
Prokurorët gjatë një hetimi profesional, kanë zbuluar transaksione miliona euro të një të afërmi të ish ministrit.
Mësohet se gjatë hetimit të SPAK në bashkëpunim me agjenci të huaja homologe, janë kryer disa transferta nga llogaritë në Shqipëri drejt bankave jashtë vendit. Shumat e transfertave kapin shifrat e qindra mijëra eurove.
Shumë shpejt pritet që agjentë të BKH të zbarkuojnë në banesën e të afërmit të Damian Gjiknurit. Nga veprimet e SPAK, ish ministrit mund t’i ndryshoj statusi nga person në dijeni në person nën hetim.