Partia Demokratike duket se do të kandidojë në Durrës, një ish-Miss. Bëhet fjalë për Floriana Garon, e cila për disa kohë ka moderuar edhe një emission mode në Klan.
Kjo e fundit është parë në takime me drejtues të lartë të PD-së, ndërsa është takuar dhe me vetë kryedemokratin Basha.
Sipas portalit pranë PD, CNA, Basha i ka ofruar Garos një vend fituesi në listat e saj për qarkun e Durrësit.
Me sa duket Basha ka vendosur ta zëvendësojë Grida Dumën në Durrës me një të ngjashmen e saj, duke e “blinduar” këtë Qark, që udhëhiqet nga Edi Paloka dhe Xhaferraj.
Lajmi megjithatë nuk është ende zyrtar, ndërkohë që dihet se Garo prej disa vitesh jeton në SHBA, pasi u largua nga Shqipëria.
Gjithashtu në vitin 2017, në media doli lajmi se Garo do të kandidonte si deputete në Qarkun e Tiranës, lajm të cilin ish-missi e përgënjeshtroi më pas.
E pyetur në atë kohë nga miku i saj, gazetari Blendi Fevziu, nëse ishte i vërtetë lajmi që po qarkullonte nëpër portale, se me pëlqimin e kreut të PD-së, Lulzim Basha, Floriana do të ishte në listën e Tiranës si kandidaturë e tretë në listën për deputetë? Një lajm të tillë, sipas Garos nuk ishte aspak i vërtetë.
Çne gjithë ky insistim nga Lulzim Basha për të kandiduar një ish miss në qytetin e Durrësit, kur herën e parë siç pranohet dhe ajo, ftesa e kryedemokratit është refuzuar nga Garo?!
A thua kësaj here do pranoj dhe do t’i prishet mendja me ftesën e përsëritur të Bashës?!