Interi fitoi 1-0 ndaj Fiorentinës mbrëmjen e djeshme dhe tashmë zikaltrit kryesojnë Serinë A me 1 pikë më shumë se Juventusi. Në këtë sfidë Simone Inzaghi i besoi për herë të parë në këtë sezon Kristjan Asllanit një fanellë titullari.
Mesfushori shqiptar bëri një paraqitje mbresëlënëse, teksa asistoi te Lautaro me argjentinasi që shënoi për golin e fitores. Pas këtij suksesi, Inazghi nuk kurseu elozhet për talentin e kombëtares shqiptare, ndërsa theksoi se është fat të kesh në ekip lojtarë si Asllani.
Fitorja? Pas 1-0 patëm shumë mundësi ku mund të kishim bërë më mirë. Në pjesën e dytë realizuam shumë kundërsulme ku mund të kishim më shumë cilësi, por nuk mund t’u them asgjë djemve. Duartrokitje të mëdha, duhet të vazhdojmë kështu. Ndeshje gjithmonë të vështira, aq më shumë në Firence ndaj një skuadre si Fiorentina. Mendova vetëm për këtë duel. Ne vinim pas dy finaleve, djemtë dhanë shumë, shpenzuan energji dhe u dhashë 2 ditë pushim sepse e meritojnë.
Asllani? Kristjani ishte shumë i zoti, por nuk kam pasur dyshime për këtë. Kam pasur dyshime vetëm nëse do të rrinte me ne edhe një vit, duke qëndruar pas Çalhanoglu, por mund të them me bindje se është 100% pjesë e grupit. Stërvitet gjithmonë mirë dhe është fat të kesh djem si ai në ekip. Jam i kënaqur për asistin që dha, por sot mund të them se ka bërë edhe ai “golin” e tij, duke vrapuar për 95 minuta, pasi kishte shumë kohë që nuk luante një ndeshje të plotë. Kjo është dëshmia e arritjeve të atyre që punojnë”, u shpreh trajneri zikaltër.
Dueli me Juventusin? Një ndeshje mes dy skuadrave që po bëjnë një ecuri mbresëlënëse. Ne do të përpiqemi ta përgatisim sa më mirë që mundemi, Juve pothuajse po ndjek rrugën tonë. Në ndeshjen e parë nuk ishte një ndeshje spektakolare, tani luajmë në shtëpi para tifozëve tanë: sonte kemi vuajtur bashkë me ta, të cilët na shtynë deri në fund. Personalisht, asnjë shqetësim, Nga e marta do të mendojmë për Juventusin”, përfundoi timonieri i zikaltërve.