Pas seancës maratonë të ditës së djeshme në Kongresin amerikan, ku u miratua ligjshmëria e kërkesës për shkarkimin e presidentit Trump nga Kongresi, Jari vendosi të ndërmarrë një aksion politik në ndihmë të presidentit Meta:
“Të nderuar demokratë,
Jari ju sqaron!
Siç e dini, Kongresi amerikan i përbërë nga socialistë të rilindur si këta tanët, kërkon të shkarkojë presidentin Trump.
Mbrëmë deri vonë, ata kanë votuar për shkarkimin e tij, duke miratuar një dokument që i ishte paraqitur Kongresit.
Por të jeni të sigurt se presidenti nuk shkarkohet, se ka Senatin.
Me këtë rast, mund mendoj që presidenti Meta duhet ta kthejë në betejë politike atë që po ndodh në SHBA.
Ai duhet të bëjë një deklaratë politike, ku të mbështesë presidentin Trump dhe të detyrojë kryeministrin Rama të shprehet pro, ose kundër presidentit Trump.
Po u shpreh pro presidentit Trump, i bie që nuk e shkarkon dot Ilir Metën.
Po u shpreh kundër presidentit Trump, mund ta shkarkojë Ilir Metën, por do humbasë miqësinë me presidentin Trump.
Ndaj mendoj se ky është momenti i përshtatshëm ta vendosim me shpatulla për muri dhe ta detyrojmë të shprehet.
Nuk mund ta lëmë këtë rast të na ikë kështu pa u kuptuar.
Kur ishin zgjedhjet, ai doli kundër presidentit Trump, ne dolëm pro, por ai pastaj na e bleu presidentin dhe e bëri mik.
Tani që presidenti është në ditë të vështira, ne duhet t’i gjendemi në krah dhe ai nuk ka për të na e harruar.
Ndaj mendoj që nesër në rrugën “Donald Trump” në Kamëz, të shkojmë të gjithë dhe të bëjmë një protestë kundër vendimit të Kongresit.
Aty të ftojmë dhe kryetarin uzurpator të Bashkisë së Kamzës.
Nëse ai vjen, Ilir Meta ka shpëtuar, nëse nuk vjen, Edi Rama ka mbaruar.
I juaji, Jari!”