Pas lajmit se taksisti që kishte trupin me tatuazhe të Doktorit, donte t’i vinte flakën vetes para Kryeministrisë, shumë demokratë reaguan të shqetësuar dhe kërkojnë shpjegime nga Karmina, si e përjetoi Doktori këtë situatë.
Për të sqaruar demokratët, Karmina sjell shpjegimin e Doktorit, kur e kishin pyetur tek vila në Lalëz:
“Akti i vetëdjegies, është lajm i sajuar nga qeveria.
Ai demokrat trim që ka këputur zinxhirët e diktaturës së Edi Ramës, në fakt është tentuar të digjet.
Ja si qëndron e vërteta.
Policia e ndaloi atë, pasi pa që ai kishte në krah tatuazhin me fytyrën time.
I kërkoi dokumentet dhe i kishte të gjitha në rregull.
Atëhere i tha se ishte duke ecur shpejt.
Demokrati trim i tha:
-Nuk është e vërtetë.
Atëhere ata sajuan një procesverbal dhe i morën lejen e drejtimit.
Ai përsëri nuk u dorëzua.
-Ju mund të ma hiqni përjetë patentën, ui tha, se kështu keni bërë dhe me Zenin, por Sali Berisha nuk gjunjëzohet duke u hequr njerëzve të tij, patentat.
Atëhere aty ata u tërbuan.
E morën të riun demokrat zvarrë dhe e çuan para Kryeministrisë ta digjnin me benzinë, se vetëm ajo ja hiqte tatuazhin e Sali Berishës nga gjoksi dhe krahët.
Kur e panë që njerëzit e filmuan skenën, atëhere bën sikur ai donte të digjte veten, dhe jo ta digjnin këta.
Po si mund ta digjte veten ai luan, kur e dinte fare mirë se bashkë me veten e tij, do digjej dhe tatuazhi i Sali Berishës!
Ai për Sali Berishën është gati të vdesë, e jo ta djegë vetë.
Ndaj kanë dashur ta djegin mafiozët e Edi Ramës, pasi nuk ja rropën dot lëkurën e t’i hiqnin andej fytyrën time”.