Nikoll Lesi kërkon të shuajë “sherrin” mes Ilir Metës dhe Erion Veliajt, pas akuzave dhe kundërakuzave mes tyre një ditë më parë.
Lesi shkruan se Veliaj në fakt duhet të ketë kujdes nga Rama, jo nga Meta, pasi ai nuk është armiku i tij.
“Erion Veliaj është përfshirë në një përplasje me presidentin e Republikës, i shtyrë nga kryeministri ose edhe për ti pëlqyer atij, si shërbetor besnik.
Por realisht Erion Veliaj nuk i ka punët mirë sepse çdo rikthim i Sajmir Tahirit në PS, koka e Veliajt bëhet thertore, sepse miqësia Rama-Tahiri mbetet më e fortë se sa Rama-Veliaj.
Ish-ministri Tahiri fsheh shumë gjëra dhe mbetet një “kasafortë” e madhe për Rilindjen.
Ndaj kryebashkiaku nuk e ka të keqen aty ku shënjestroi, por në Rilindje, e cila do ta shes shumë shtrenjtë, kur të vijë radha për në SPAK”, shkruan Lesi, zëri zyrtar mediatik i Ilir Metës.