Avokati i njohur Spartak Ngjela, komentoi deklaratat e djeshme të ambasadores amerikane Yuri Kim, e cila u shpreh se korrupsioni në sistemin e drejtësisë duhet të mbahet nën monitorim dhe të goditet në mënyrë periodike.
I pyetur se nga i merr informacionet për kritikat që bën ambasada amerikane mbi sistemin e drejtësisë, avokat Ngjela thotë se bazohet në logjikë.
“Unë i them me logjikë, natyrisht. Informacionet i ka thënë ambasadorja. Ajo flet në mënyrë diplomatike”, tha ai.
Gjatë një interviste në “Ilva Now”, Ngjela u ndal edhe tek deklarata e Ramës, që sipas tij koka e korrupsionit nuk janë politikanët, por gjyqtarët dhe prokurorët e korruptuar. Për Ngjelën, drejtësia dhe politika kanë një marrëveshje të fshehtë, të cilën e zbuloi në Euroneës Albania.
“Ai nuk e ka artikulon si profesionist, por si politikan edhe ai do thotë: që po të këtë gjyqësor të pavarur nuk ka korrupsion”.
Po të ketë gjahtarë të fuqishëm nuk ka më shpend në Shqipëri. Këtu është mungesa e pushteti gjyqësor që ka sjellë korrupsionin.
Si e kanë sjellë korrupsionin? Bashkë kanë pasur një marrëveshje të heshtur, dhe jo të gjitha marrëveshjet janë të hapura.
Ju shisni drejtësinë dhe s’themi gjë, ne vazhdojmë korrupsionin dhe ju nuk na akuzoni, është shumë e thjeshtë. Ata janë të gjithë në një plan. Pushteti gjyqësor e ka sjellë gjendjen këtu”, tha ai.
Ai shtoi se Shtetet e Bashkuara të Amerikës janë të angazhuara për të goditur nivelin e korrupsionit në Shqipëri. Avokat Ngjela shtoi se hetuesit në sistemet e reja të drejtësisë po trajnohen në Uashington nga vetë FBI-ja.
“Do jenë hetues shqiptarë dhe të huaj. Po trajtohen në Uashington me FBI. Dosjet janë hetuar kanë ardhur dosjet. Hetimi i FBI nuk është hetim diletant, ata e dinë se si hetojnë se për këtë nuk kanë dosje mendon ti?”, shtoi Ngjela.