Lufta në Ukrainë është në ditën e saj të 27-të! Bombardimet vijojnë në të gjitha qytetet ndërkohë që raportimet për viktima, edhe nga civilët, vijojnë të jenë shqetësuese.
Sot presidenti ukrainas, Volodymyr Zelensky, foli nga bunkeri i tij në Kiev me Parlamentin italian. Ai u ‘prit’ nga një ‘standing ovation’, të gjithë deputetët në këmbë, ndërkohë që një pjesë e tyre kanë braktisur sallën.
Zelensky tha se populli i tij po reziston, duke nënvizuar se i gjithë kombi tashmë është ushtar. Ai përmendi edhe situatën në Mariupol, kur bëri paralelizmin për deputetët italianë me qytetine Xhenovës, vetëm se u kërkoi ta imagjinoni të shkatërruar. Zelensky foli me Papën në telefonin, të cilin e ftoi në Ukrainë.
Qyteti i Mariupolit tashmë nga dëshmitarët cilëtsohet si një “ferr në tokë”.
Presidenti i SHBA-së Joe Biden, i cili dje komunikoi me krerët e shteteve dhe qeverive të Italisë, Francës, Britanisë së Madhe dhe Gjermanisë, tha se Putin, “me shpinën pas murit”, “po shqyrton përdorimin e armëve kimike dhe bakteriologjike”.
Teksa nga Rusia nuk ka asnjë sinjal për ndalimin e luftë, Ukraina duket tepër e vendosur për të mos u tërhequr dhe duke u përgjigjur ‘dhëmbë për dhëmbë’ luftës. Rusia dhe Japonia ende nuk i kanë përfunduar zyrtarisht armiqësitë e Luftës së Dytë Botërore për shkak të përplasjes mbi ishujt që ndodhen pranë ishullit më verior të Japonisë, Hokkaido.
Ata njihen në Rusi si Kurilët dhe në Japoni si Territoret Veriore. Japonia kritikoi vendimin e Rusisë për t’u tërhequr nga bisedimet dypalëshe të traktatit të paqes dhe për të pezulluar projektet e përbashkëta ekonomike në lidhje me ishujt e diskutueshëm.
Ndërsa kreu i administratës ushtarake rajonale të Luhanskut, njoftoi se Rusia ka goditur një spital për fëmijë në Severodonetsk, por për fat të mirë, të gjithë pacientët, nënat dhe stafi i tyre u evakuuan menjëherë.
Kreu i Rusisë po etiketohet tashmë si “Vladolf Hitler”, pasi deportoi ukrainasit në kampet e punës në pjesë të largëta të Rusisë pa dëshirën e tyre. Këto veprime janë krahasuar me ngjarjet e tmerrshme të Luftës së Dytë Botërore, kur nazistët me në krye Hitlerin, kapnin me forcë njerëzit.