Monika Kryemadhi nga takimi që zhvilloi me strukturat e LSI dhe LRI në Elbasan, bëri thirje për bashkim me protestat e studentëve, gjë që studentët ua kanë ndaluar rreptësisht forcave politike dhe forumeve duke përfshirë dhe ato rinore.
Mirëpo duke parë katandisjen e saj dhe fatalizmin dhe dëshprimin që është përfshirë partia e lavjerrësave, që tashmë nuk ka asnjë mundësi të tundet dhe shkundet sa në një krahë në një tjetër, shohin si fije bari në ujë, shpëtimin nga studentët, që nuk kanë asnjë lidhje me hallin e Monikës, por protestojnë edhe për ato që u bëri Monika me Dhori Kulen e saj dhe Shezai Rrokajn dhe si një nga firmëtarët kryesor të shkatërrimit të arsimit, nën flamurin “shkollë për të gjithë” me… para, të iniciuar nga Sali Berisha.
Mirëpo engjëlli i politikës së hajdutërisë, ka një mesazh për fëmijët që i mbledh nga kopshti i saj LRI:
“Protesta e studentëve nuk do ndalojë deri në plotësimin e 8 kërkesave. Studentët nuk protestojnë vetëm për vete, por edhe për familjarët që sakrifikojnë për shkollimin e tyre.
Dua që t’i shtrini dorën të gjithë të rinjve për të marrë pjesë në protestën e nesërme. Nuk ka të bëjë me thirrjen e LSI, por të një gruaje që lufton për fëmijët e vet”, tha ajo.
Çdo shqiptar do ta bënte këtë për fëmijët e vet. Nuk mund të mbajmë dreqin brenda, pasi dreqi brenda është mallkim për shqiptarët.
Më mirë pa kryeministër, se me Ramën kryeministër. Të bashkohemi për të përmbysur këtë të keqe te madhe. E keqja e madhe nuk është PS, por Edi Rama”, deklaroi kryetarja e LSI-së./Ekskluzive.al