Babëzia e mafies politike, kanë vila, biznese dhe thasë më para, por si të pangopur u kanë marrë edhe banesat të pastrehëve, SPAK-u duhet t’u marrë shtëpitë dhe t’ua kthejë familjeve që flenë jashtë
Raca e politikanëve shqiptarë është babëzitur në rrugën e pasurimit, duke varfëruar ata që e kanë votuar. Kanë bërë thasë ma para korrupsioni, kanë vila dhe apartamente të panumërta, kanë makina 100 mijë eurosh, janë aksionerë të fshehtë në kompanie të ndryshme, kanë rrëmbyer prona publike dhe objekte shtetërore, po rrafshojnë pyje dhe zaptojnë plazhe, dhe sërish janë të pangopur. Marrin çdo muaj haraçin e koncesioneve që kanë dhënë për 30 vjet deri në 100 vjet, kanë punësuar familjarët në pozicionet më të mira të administratës, por sërish janë të pangopur. Disa nga politikanët shqiptarë u kanë rrëmbyer edhe banesat atyre që nuk kanë një banesë për të futur kokën.
Ministra, ish-ministra, deputetë dhe drejtorë, pjesë e klasës mafioze politike të Tiranës, kanë përfituar nga Enti Kombëtar i Banesave shtëpi si të pastrehë, duke lënë të pastrehë familjet shqiptare që kanë vërtetë nevojë për një banesë. Banesë si pastrehë ka përfituar edhe ish-ministri i Financave Ridvan Bode, të cilin tani Edi Rama e ka emëruar në Këshillin Mbikëqyrës të Bankës së Shqipërisë. Bode posedon disa vila dhe apartamente nga Korça në Tiranë, qindra mijëra euro, familjarët i ka punësuar në poste kyçe, megjithatë ka marrë një banesë gjoja si i pastrehë, e cila i takonte një familje vërtetë të pastrehë.
Si i pastrehë ka përftuar edhe ish-ministri i Brendshëm, Flamur Noka, i cili ma pas ka blerë një makinë 40 mijë euro, duke treguar se ka pasur të ardhura dhe ka përfituar padrejtësia. Ka përfituar edhe kryetari i grupit parlamentar të PD, Edmond Spaho, i cili ka banesa të tjera dhe të ardhura për ta blerë në një banesë, pa qenë e nevojshme të përfitojë nga shteti shqiptar, meqenëse ka mijëra familje që janë të varfra realisht. Në të njëjtën formë ka përfituar edhe Arben Imami, ish-ministër i Mbrojtjes. Disa nga zyrtarët dhe ish-zyrtarët edhe mund ta meritonin një kredi më interes zero nga Enti Kombëtar i Banesave, por shumica e tyre kanë abuzuar, pasi posedojnë makina me blerë mbi 100 mijë euro sa dyfishin e një kredia që akordon Enti i Banesave për të marrë një banesë si pastrehë. Ky abuzim i madh duhet të jetë në fokusi e SPAK-ut, i cili duhet t’u marrë shtëpitë dhe t’ua ktheje familjeve që flenë jashtë./Pamfleti
Politikanët që kanë marrë banesa si të pastrehë
Ridvan Bode, ish-ministër Financash, sot anëtar i Këshillit Mbikëqyrës së Bankës së Shqipërisë
Arben Imami, ish-ministër i Mbrojtjes
Edmond Spaho, kryetari i grupit parlamentar të Partisë Demokratike
Flamur Noka, ish-ministër i Brendshëm, deputet i PD
Edi Paloka, deputeti i PD
Arenca Trashani, ish-deputete e PD
Astrit Bushati, ish-deputete i PD
Paulina Hoti, ish-deputet e PD
Oerd Bylykbashi, deputet i PD
Spiro Ksera, ish-ministër i Punës, i dënuar për vjedhje
Visho Ajazi Lika, ish-kreu i SHISH, Rama e bëri ambasador
Dritan Ylli, drejtor i Ilir Metës
Endri Hasa, deputeti i PD, që goditi Ramën me vezë
Ndue Paluca, ish-deputet
Klevis Bitro, vartës i Kserës
Arben Doci, i kreu i Pastrimit të Parave
Elvis Çefa, ish-nënkryetar i KLD dhe ish-kreu i AKKP
Adriatik Alimadhi, kreu i Ballit Kombëtar
Enno Bozdo, ish-nënkryetar i Bashkisë Tiranë
Edit Harxhi, zyrtare e PD
Dorjan Teliti, drejtor i Lulzim Bashës, i arrestuar për korrupsion
Gjergji Papa, ish-deputet i PD