Ministria e Brendshme e Malit të Zi ka reaguar pas arratisjes së ish-kryeministrit të Maqedonisë, Nikola Gruevski, dhe nëse ka kaluar përmes vendit të tyre. Ashtu si policia shqiptare, edhe Mali i Zi ka pranuar se Gruevski ka kaluar përmes vendit të tyre, duke sqaruar se janë respektuar plotësisht procedurat ligjore.
“Lidhur me akuzat e publikuara në media, si dhe interesin e tyre në këtë çështje, që kanë të bëjnë me atë që nëse ish-kryeministri i Maqedonisë, Nikola Gruevski hyri në Mal të Zi më 11 nëntor 2018, e vërteta është kështu. Nikola u largua nga Mali i Zi ditën që hyri në vendin tonë. Kemi respektuar plotësisht procedurat ligjore”, thuhej në deklaratë.
Deklarata nuk përmban detaje të tjera lidhur me kalimin kufitar të Gruevskit.
“Më parë policia shqiptare tha se kryeministri Nikola Gruevski u nis nga Mali i Zi në rrugën drejt Budapestit nëpërmjet kufirit shqiptar. Policia shqiptare thotë se Gruevski e ka kaluar kufirin përmes kalimit Hani Hotit-Murriqan, në kufirin shqiptaro-malazez, me një automjet në pronësi të Ambasadës Hungareze në Tiranë”, shkruan media malazeze “Tocka”