Para pak ditësh presidenti rus Vladimir Putin, u vaksinua por nuk e tregoi se me cilën prej 3 vaksinave.
Gjatë një interviste për mediat vendase, ditën e sotme ai tha tha se kishte përjetuar efekte anësore nga kjo vaksinë.
‘U zgjova të nesërmen në mëngjes pas vaksinimit dhe më dukej se ndjeva dhimbje të lehtë në muskuj. Mora një termometër … temperatura ime ishte normale.’-është shprehur Putin.
Ai tha se ai gjithashtu kishte dhimbje në vendin e injeksionit. Putini nuk tregoi se cilën nga tre vaksinat ruse ai kishte marrë, duke thënë se vetëm mjeku që e vaksinoi e di këtë.
Kremlini njoftoi vendimin e Putinit për t’u imunizuar kundër koronavirusit në dhjetor dhe presidenti tha se vonesa ishte për shkak të një nevoje për ta kombinuar atë me vaksinat e tjera që ai planifikoi të merrte. Putini tha se të tre vaksinat ruse janë pothuajse të barabarta edhe pse më e njohura dhe më e përhapura nga të cilat është Sputnik V.