Shqiptarët që jetojnë larg vjedhjeve e skeleteve të frikshme që tundin antiamerikanizëm edhe duke dhënë shpirt, kanë të drejtën të pyesin, merr ende frymë, apo ka ndërruar jetë vokati i Sali Berishës?
Shkruan Sokol Pepushaj
Sali Berisha pëson goditje të fortë psikologjike. Avokati i tij Jean Yves Le Borgne në Paris ka vdekur. Sekretari amerikan i Shtetit Anthony Blinken shpëton nga përballja në gjyq me Sali Berishën. Më qartë nuk ekziston asnjë dokument zyrtar siçështje e hapur gjyqësore kundër qeverisë amerikane.
Berisha ka gënjyer!
Akuzat e rënda, të hetuara nga CIA dhe FBI se “Aktet e korrupsionit nga ish-Presidenti i Shqipërisë Sali Berisha kanë minuar demokracinë në Shqipëri”, janë të vërteta e të besueshme për çdo shqiptar të vjedhur nga sunduesit e 30 viteve të fundit.
Ky është lajmi!
Edhe Ilir Meta është lajm këto ditë. Ka informacione serioz se do të shpallet “non-grata” për korrupsion në përmasa të konsiderueshme dhe do të arrestohet.
Prandaj avokati i Saliut s’merr vëmendje, as pyet askush për më të.
Ndoshta e ka lënë zëmra mbi shkresa, meqë Saliu nuk e po zë me gojë. As e zë me gojë, as e pyet dikush, ç’u bë me dosjen?!
Dosja ishte e vdekur, pasi as kishte lindur, kurse avokati francez, si gjithkush, i vdekshëm është.
Sepse vdekja është e pashmangshme, fama tek njerëzia lakmohet. Për famën e avokatit Jean Yves Le Borgne punoi një gjenerator i fuqishëm mediatik, ndërsa për vdekjen Sali Berisha, Ilir Meta, Fatos Nano dhe Edi Rama.
Katër Klanet Mafioze kanë vrarë
Kanë bërë krime që as në përrallat me përbindësha nuk i gjen. Nisin tek vjedhja e pronës, fondet publike, hilet e pabesitë e deri tek vota e mëpërtej, tek jeta dhe vdekja.
Për jetë luksi kanë shkurtuar jetën e dhjetëra mijëra shqiptarve të pafajshëm në 30 vjet sundim.
Sali Berisha që nga data 19 maji i vitit të shkuar kishte “blerë” edhe emrin e avokatit francez Jean Yves Le Borgne. Ka afro një vit që me atë emër mban ndezur “Foltoret”, mediat dhe antiamerikanët.
E përdori keq!
E kishte blerë, prandaj. Për paratë që përfiton avokati, s’ka pyetur as kreu i SPAK-ut Arben Kraja. E ka të pamundur, pasi Berisha ka dajakun dhe kulaçin për atë e për këdo.
I shkrep rradakja diçka dhe po, ka para për të vrarë e për të ngjallë.
Avokatit francez, i siguroi para dhe emër.
Ishte pak i njohur nëpër ca salla gjyqesh në Francë, por milioneri Sali Berisha, e futi në salla “Foltoresh”, studio televizive e demonstrime antiamerikane.
U vizatua francezi si Gjigandi i Globit dhe Saliut që po korit Kimeten e Edi Ramës, e do burgosë Sekretarin amerikan të Shtetit Anthony Blinken për shpifje.
Por koha e preu në besë.
Avokatit franzcez, pas afro një viti “punë”, s’bëri asgjë, përveçse vrima në ujin ku noton “non grata” Sali Berisha. As emrin s’ja mësoi ende ambasadorja Yuri Kim. As kur ishte i gjallë dhe Saliu e përdorte si karnaval antiamerikan, as sot që i ka humbur emër e vulë, s’u vu në vëmendje të asnjë diplomati apo zyre serioze.
S’mund të ndodhte ndryshe. I “gjallë” kishte emër, si gjithë kolegët e tij, nëpër ca salla gjyqi, ndaj s’ka emër as sot, as mund të ketë nesër. Shqiptarët që jetojnë larg vjedhjeve e skeleteve të frikshme që tundin antiamerikanizëm edhe duke dhënë shpirt, kanë të drejtën të pyesin, merr ende frymë, apo ka ndërruar jetë vokati i Sali Berishës?/Pamfleti