Evi Kokalari ka lëshuar akuza të ashpra ndaj ish-deputetit të Partisë Demokratike, Ervin Salianji, në kuadër të debatit për drejtimin e PD-së.
Përmes një reagimi publik, Kokalari deklaron se problemi më i madh i Salianjit nuk lidhet vetëm me dënimin e tij apo pamundësinë për të qenë pjesë e Parlamentit për disa vite, por me faktin se, sipas saj, ai është lejuar të dalë nga burgu dy herë për ndërhyrje estetike.
Ajo pretendon se bëhet fjalë për ndërhyrje për mbjellje flokësh dhe operacion kozmetik në hundë, duke e cilësuar këtë si një skandal që duhet hetuar nga drejtësia.
Emri Mbiemri: Ervin Salianji. Datae shtrimit 23.11 2024
Data e daljes: 29.11.2024
Datelindja/ Gjinia: 16.01. 1998 /M
Numëri i kartelës: 997642
Instuticioni: Kardiologji
Diagnoza e daljes: Ablacion me radiofrekuencë i VSM sinistër + miniflebektomi
Kokalari i bën thirrje Strukturës së Posaçme Kundër Korrupsionit dhe Krimit të Organizuar (SPAK) që të verifikojë se kush ka autorizuar këto dalje nga burgu, duke ngritur dyshime për shkelje të ligjit.
Në reagimin e saj, ajo shprehet gjithashtu se gara për drejtimin e Partisë Demokratike është një përballje mes “rithemelimit” dhe atyre që, sipas saj, e kanë luftuar këtë lëvizje, ndërsa thekson se beteja është mes saj dhe Sali Berishës.
Kokalari akuzon më tej se nuk mund të zëvendësohet një drejtues nën hetim me një tjetër figurë që, sipas saj, ka probleme me ligjin, duke shtuar se janë paraqitur edhe dokumente që ajo i konsideron të falsifikuara në lidhje me gjendjen shëndetësore të Salianjit.
Deklaratat e saj vijnë në një moment tensioni të lartë brenda Partisë Demokratike, ndërsa gara për drejtimin e saj pritet të intensifikohet në javët në vijim.