Nga Anri Bala
Përsëri revolucionarët e “mërgatës” nuk heshtën, si ndjesë për gënjeshtrat që thonë çdo ditë, si politikanë në “ekzil”, a thua se kanë mbrapa lugatin! Sot, në Durrës me çadër plazhi, duke folur për krimin dhe kriminelët, korrupsionin, hajdutërinë, makutërinë me ato fytyra të shpërfytyruar nga frika, mu neveritën edhe më shumë…me “katandisjen” e tyre.
Është data 13 shtator, kur toka do “dridhej”, e qeveria do merrtre “arratinë”, se tani kishin ardhur “shpëtimtarët”, që janë vetë të “pashpëtuar”. Mirëpo kjo dreq qeverie, jo që nuk iku, por i ftoi “trimat e çartur” në shesh të burrave, në parlament, aty ku kishin premtuar se do i nxirrnin “ujin e zi” hajdutërisë.
Mbasi fjalosi e fjalosi, përgojoi vëllezër e kunetër, Basha harroi se kush ishte ai vetë. Vetingu i tij politik, si një shfaqje me aktor të degraduar moralisht, që tashmë nuk mund të marrin as një rol, ishte pjesa më qesharake e fjalës së tij.
Basha dhe bashukët, mendojnë se ky vend do të gënjehet edhe njëherë, nga ato që nuk ka qytetarë që nuk i kërkon si të pandehur për krimet e pandëshkuara, jetët e të pafajshmëve, drejtësinë e të poshtërve, dhe milionat e të varfërve. Ndaj, nëse ato burra, që janë votuar vetëm për të bërë drejtësi në këtë vend, mund të gënjehen, për t’i hedhur ndonjë “kockë politike” opozitës së intrigantëve, duhet ta dinë mirë, se do përgjigjen para popullit, njëlloj si heronjtë lepuj, që vajtojnë me të njëjtat vajtojca, me të njëjtat “ligje”.
Qyqet Lulzi e Moni, nuk thonë asgjë, flasin për gjithçka dhe në fund e mbyllin vajin… na ktheni aty ku ishim, ku vodhëm e u kënaqëm, ku u tallëm dhe ju vramë, ku ju rropëm e ju plaçkitëm dhe sot… ju qajmë. Por tani është vonë, vapa iku me gushtin, shtatori me rrushin, por dhjetori më duket se po vjen me grushtin e mbledhur për vajtojcat, e nuk jeni ata që ngjallin të vdekur, sepse vajtojnë… për hallet e tyre.
Si nuk e kuptoni se sa të mjerë jeni, kur për herë të tretë doni të na gënjeni…që ne të ndjehemi fajtor?!
Seriozisht e keni, që mund të luftoni hajdutërinë… ju kryehajdutë, krimin… ju kriminelë, varfërinë… ju makutër?! Jeni të veçantë, të paparë… në racën e politikanëve. Si mendon, se mund të na gënjeni, se gjoja doni kontroll pa kontroll, ku fotoja është baza e thesit të krimit?! Ju flisni për foto të çastit, sepse për ato të “fotografit” popull, ju keni me qindra, me kriminel dhe bejtexhi, mashtrues dhe qeflij, drogaxhi dhe nishanxhijë… bile me snajpera nga tarracat e zyrave të shtetit.
Lëre pastaj fotot me hajdutët, perversat dhe grabitësit me famë ndërkombëtare, që i keni në çdo cep të botës, aty ku njerëzit shikojnë dhe lexojnë.
Vërtet, të qendrosh për vite të tëra në krahë të hajdutit të graduar nga ti, ku natyrisht e ke shuitur shtrenjtë besimin e dhënë, kur sot ai vuan dënimin, t’i nuk mbanë asnjë përgjegjësi?!
Të pozosh dhe të shpërblesh vrasësit e qytetarëve dhe sot të guxosh të kërkosh foto nëpër sirtare, është krim që nuk ka drejtësi që ta fal!
Si mendoni ju kryehajdutë të revolucionit antihajdutëri, se mund t’ia hidhni lehtë?!
Po sikur… “largqoftë prapa derës”, ju… në emër të popullit, sepse të republikës nuk besoj, të bini vullnetarisht në burg, a e dini se sa do të ju duan njerëzit, për aktin e moralshëm… vetdënimin.
Apo unë, nuk ju kuptoi, si i trashë që jam, se ju këtë doni të bëni?! Mos… aman mos e bëni!
Mirë, se vërtet do ju duan njerëzit, por do ju urrejnë bashkëpuntorët, të cilët do e mbyllin karrierën e tyre politike, sepse janë fotografuar dhe kanë bashkëpunuar me një të inkriminuar!
Njëmbëdhjetë drejtorë hajdut në burg, të promovuar, të zgjedhur dhe të mjelur nga opozitarja vajtojcë dhe vërtetë…fotot dhe përqafimet me ta, nuk thonë asgjë?! Mos vallë kriminelët tuaj ju duken heronjë dhe ju… babai dhe nëna e heronjëve?!
Po u them, se po gaboni! Lëreni ligjin e fotografive, se do merrni shumë veta në qafë, që kanë ambicje dhe duan të bëjnë karrierë, e vetëm se kanë qenë miqtë tuaj kafenesh e plazhesh, karriera e tyre mbaron aty, bashkë me ju.
Mos ëndërroni të merrni kauza revolucionesh qesharake, sepse kurrë nuk kanë udhëhequr piratët, çetat kundër hajdutëve! /Ekskluzive.al