Pabarazia gjinore e pagave është një nga temat më të nxehta në të gjithë botën dhe shpesh kanë qenë aktoret që kanë mbajtur fjalime ndërgjegjësues për këtë fenomen.
Kjo pabarazi dallohet edhe në tregun e punës në Shqipëri, ku treguesi i hendekut gjinor i pagave ka një diferencë prej 10.7%, çka nënkupton se gratë paguhen mesatarisht 10.7% më pak sesa burrat.
Sipas “Monitor”, Shqipëria renditet e shtata krahasuar me vendet anëtare të BE-së për sa i përket këtij treguesi.
Në 2014-n, viti më i hershëm që INSTAT ka publikuar të dhëna në lidhje me këtë tregues, hendeku midis pagës së një gruaja dhe një burri ishte 10%. Që do të thotë për çdo 100 lekë që fitonte nga paga një burrë, një grua merrte 90 lekë. Pabarazia u thellua përgjatë 2015-s dhe 2016-s.
Sipas një vlerësimi të Eurostat gratë punojnë falas dy muaj çdo vit, në krahasim me një mashkull. Me fjalë të tjera në BE gratë paguhen 84 cent për çdo 1 euro që paguhet një burrë.
