Një informacion policor, i cili përkon edhe me burime të tjera, ekspozon nipat e ish ministrit socialist Arben Malaj, Flladi dhe Xhuljano Malaj, bashkë me Florian Sulën, janë pjesë e kupolës së një prej organizatave më të fuqishme kriminale të mashtrimit të qytetarëve evropainë me call centera. Grupi kriminal, paralelisht me aktivitetin e mashtrimit me pasoja të rënda, vijon pastrimin e parave produkt i aktivitetit kriminal në ndërtim, shitblerje të pasurive të paluajtshme, klinika dentare, turizëm, bare dhe restorante, marketing, arsim profesional etj.
Disa nga kompanitë e grupit kriminal, të cilat përdoren për pastrim masiv parash, janë BelleVue Dental Care, Acme studio, AKADEMIA PROFESIONEVE M&G, ARKA HOME, Albreeze, Momentum Group, Dekript Media Group, INFO TIRANA etj. Rrjeti i kompanive nuk ka bilance, por vetëm përdoren për skemat e mashtrimit dhe pastrim parash, si për të kamufluar pasuri të palajuajtshme. Me disa kompani të tjera, kamufluar në emra të besuar, Malaj dhe Sula ka marrë edhe leje ndërtimi.
Floria Sula nga Divjaka, të cilin e morën peng disa ditë më parë për t’i marrë përmes shtrëngimit 2 milionë euro, është pjesë e të njëjtit rrjet kriminal me vëllezërit Malaj, ndërsa grupi ka pasur lidhje edhe me ‘perandorin’ e call centerave Amant Josifi.
Florian Sula, i cili hiqet si biznesmen ndërtimi, vijon vjedhjen sistematike dhe të sofistikuar me vlerë miliona euro ndaj qytetarëve evropianë, përmes skemës së investimit të rremë në bursa. Edhe pse figuron pa asnjë historik biznesi dhe pa të ardhura të ligjshme, Florian Sula ka investuar vitet e fundit qindra mijëra euro në pasuri të paluajtshme nga Tirana në bregdet, ndërsa i ka shpëtuar deri më sot të gjitha hetimeve të SPAK për grupet kriminale në fushën e mashtrimit.
Mjeshtri i Forex Florian Sula, vitet e fundit, me paratë e siguruara përmes mashtrimit me pasoja të rënda, ka blerë prona me vlerë qindra mijëra euro nga Borshi deri në Himarë. Pronat janë blerë me qëllim zhvillimin e tyre për të ndërtuar hotele dhe vila, një formë kjo masive për pastrimin e parave të pista.
Ndryshe nga shumë bosë call centrash që kanë hequr dorë nga skemat e mashtrimit dhe po pastrojnë qetësisht paratë e pista në ndërtim, Florian Sula vijon të jetë aktiv në aktivitetin kriminal të mashtrimit me invesimet e rreme në bursa, duke pastruar në të njëjtën kohë paratë që janë produkt i aktivitetit kriminal, në bashkëpunim dhe kamuflim me disa biznesmenë të njohur.
Nipi i Arben Malajt, Flladi Malaj konsiderohet si një nga kokat e mashtrimit me Forex në zonën e Kristal Center tek Komuna e Parisit dhe Selitës. Në këtë zona kontrollon një grup prej 100 vetash, të cilët mashtrojnë qytetarët evropianë.
Vëllezërit Xhuljano e Flladi Malaj, në janar 2015, krijuan rrjetin e tyre ilegal Call-Center dhe zhvilluan aktivitet me 13 pika në Tiranë, 5 pika në Vlorë e 5 pika në Fier, të pa regjistruara në Qendrën Kombëtare të Biznesit dhe të padeklaruara në Tatime, por të lejuara prej tyre e prej policisë, ngaqë kanë lidhje me kupolën e qeverisë dhe paguajnë ryshfete të majme.
Për të pasur edhe mburojë e justifikim ligjor, dy vëllezërit Xhuljano e Flladi Malaj, gjatë vitit 2019 krijuan 6 kompani online për oferta, konsulencë e asistence biznesesh, depozitash e investimesh financiare dhe kontakti brenda e jashtë Shqipërisë, nëpërmjet komunikimit e menaxhimit tregtar, të cilat në fakt ishin e janë rrjet mashtrues Forex.
Policia dhe Tatimet, e dinë që në zonën e Farkë-Selitës në Tiranë, kryen aktivitet mashtrimi me disa salla Call-Center me licencë, por pa bilance tatimore prej disa vitesh, rrjeti kriminal i 8 firmave të vëllezërve Xhuljano e Flladi Malaj, të cilët kanë si bazë lokalin e tyre “Casa Mokador” te Komuna e Parisit në Tiranë.