Përmes platformës shqipëriaqëduam.al duket se po marin zgjidhje jo vetëm problemet individuale të qytetarëve shqiptarë, por po u jepet zgjidhje edhe problemeve komunitare. I tillë është rasti i banorëve pranë rrugës “5 Maji” në Tiranë. Prej një muaji qytetarja Esmeralda Skënderi ankohej për një tubacion të dëmtuar në rrugë.
Uji që dilte po dëmtonte rrugën dhe gjithashtu krijonte problem në furnizimin me ujë të mjaftueshëm të banorëve. Pas ankesës së qytetares në platformë, menjëherë në kohë rekord, Ujësjellës Kanalizime Tiranë mori masat e nevojshme për të eleminuar humbjen e ujit dhe kthimin e situatës në gjendje normale.
Kryeministri Rama theksoi se kjo platformë ka zgjidhur shumë probleme komunitare, por ajo që na duhet është të rritet edhe më tej besimi te kjo platformë, e cila krijon kushtet optimale për të parë jo vetëm problemet por edhe ata që i shkaktojnë problemet.