Shumë zhurmë për asgjë në takimin e BLED në Slloveni, ku disa nga vendet e Ballkanit Perëndimor kritikuan prioritete gjoja në letër që po u jep BE dy vendeve ish ruse, Ukrainës dhe Moldavisë.
Statusi i kandidatit është një përcaktim kryesisht simbolik, që pranon se vendi i përzgjedhur është në rrugën e duhur për të filluar procesin e gjatë, kompleks dhe shpesh të ndërlikuar të anëtarësimit.
Ukrainës i është dhënë statusi zyrtar i kandidatit në Bashkimin Evropian, pasi u miratua nga 27 liderët e bllokut gjatë një samiti në Bruksel. Moldavisë iu dha gjithashtu statusi i kandidatit, ndërsa Gjeorgjia u la në listën e pritjes, në pritje të reformave për të siguruar stabilitetin politik të vendit.
Kandidatura nuk garanton automatikisht fillimin e negociatave, e lëre më përfundimin e tyre. Gjatë dekadave të fundit, Shqipërisë, Maqedonisë së Veriut, Malit të Zi, Serbisë dhe Turqisë iu dha statusi i kandidatit, me përparim shumë të kufizuar drejt anëtarësimit. Turqia e mori statusin gati 25 vjet më parë në dhjetor 1999.
Komisioni Evropian ka paraqitur shtatë reforma kryesore, që Ukraina duhet të kryejë para fundit të vitit. Lista përfshin emërimin e gjyqtarëve për Gjykatën Kushtetuese, luftën kundër korrupsionit dhe pastrimit të parave, mbrojtjen e pakicave kombëtare, të cilat janë rusët e Donbasit dhe zbatimin e një ligji që synon të frenojë ndikimin e tepruar të oligarkëve në ekonomi.
Të gjitha këto realizohen në një shtet në gjendje normale dhe jo në kushtet e Ukrainës që e ka mundësinë zero të realizoj këto detyrime, si kusht për hapa të mëtejshëm të anëtarësimit.
Rindërtimi do të jetë një detyrë kolosale. Lufta deri më tani ka shkaktuar mijëra viktima dhe ka zhvendosur miliona, ka shkatërruar shtëpi dhe spitale, ura dhe porte. Por ndërsa lufta vazhdon ende, pasojat do të jenë shumë të mëdha.
Komisioni nuk ka treguar askund, se kur do të anëtarësohet Kievi në BE, pas lufte apo në gjendje lufte dhe si dhe kush do e rindërtoi Ukrainën… apo me miliardat nga taksapaguesit europian?!
Zyrtarët dhe ekonomistët po vlerësojnë dëmin dhe janë duke mësuar nga Gjermania dhe vendet e tjera, po shqyrtojnë mundësitë se si të menaxhojnë rimëkëmbjen eventuale. Studiuesit nga Qendra për Kërkimin e Politikave Ekonomike (CEPR), një rrjet ekonomistësh vlerësojnë, se kostoja totale e rindërtimit të Ukrainës do të jetë 200 miliardë – 500 miliardë euro.
Nëse këto miliarda do të jepeshin për zhvillimin ekonomik, për të balancuar diferencat ekonomike mes vendeve të Ballkanit Perëndimor dhe anëtarëve të BE, atëherë këto vende brenda 1 viti do të ishin anëtare me ekonomi të konsoliduar.
Vërtetë Europa e rreckosur tani ekonomikisht, edhe nga Lufta në Ukrainë, do të mund të detyroi taksapaguesit e saj të paguajnë nga xhepi i tyre 500 miliardë dollar, paraprakisht për të futur në shtëpinë e tyre një shtet të falimentuar dhe drejt shkrirjes si Ukraina?
Kjo natyrisht është një utopi, për të mos thënë një gënjeshtër e madhe për të mbajtur gjallë betejën e rusofobëve europian, që i ka kushtuar shumë popullit ukrainas i drejtuar nga një klloun si Zelenski./Ekskluzive.al