Një shpjegim juridik për “injoranten” e ligjit, Sonila Meço

Në emisionet e mbrëmjes në Shqipëri, çfarë nuk të dëgjojnë veshët. Sonila Meço mbrëmë përshembull, ka lëshuar një nga ato perlat, që vetëm gazetarët shqiptarë kanë guximin t’i lëshojnë, madje duke iu referuar edhe burimeve.

Sipas saj, do të kemi një tranzicion kushtetues, për kalimin e pushtetit nga Rama tek Basha, pa bërë zgjedhje. Një ide që askush nuk e merr seriozisht, por gjithsesi juristi Romeo Kara i ka dhënë një shpjegim juridik Meços, e cila do të bënte mirë t’i mendonte pak më shumë se ç’duhet ato që thotë.

Sqarimi

Kur hapet thesi, cfare nuk te degjojne veshet, perfshire edhe termin: “tranzicion kushtetues për kalimin e pushtetit nga Rama tek Basha”.

Se pari, per sqarim: tranzicioni kushtetues lidhur me kalimin e pushtetit, njihet si teknike dhe strategji juridike kur kemi raste të fitimit te autonomise dhe pavaresise te territoreve te caktuara, dhe nepermjet respektimit te normave juridike, aplikohet kalimi i pushtetit tek njesite e reja kushtetuese te krijuara.

Ne rastin Basha, nuk ka asnje shans të kemi nje aplikim të kesaj strategjie juridike, pasi sipas kushtetutes sone, qeverisja bazohet tek zgjedhjet e lira dhe jo tek pazaret e quajtura “tranzicion kushtetues”.

As Rama dhe askush tjeter, nuk mund të vendosin se kush do te qeverise, pervec popullit nepermjet votes se lire.

Rama, maksimumin qe mund të beje, eshte të jape doreheqje, por kurre qe te delegoje qeverisjen tek Basha.

Masat e jashtezakonshme, sipas kushtetues, marrin jete vetem ne kohe lufte, dhe mesa dime, nuk jemi ne gjendje lufte edhe pse Saliut i leverdis nje gje e tille.

Nese do te ishim ne gjendje lufte, perseri kushtetuta nuk mund të ndryshonte, pasi eshte parashikuar qarte, se pikerisht ne gjendje te tilla, ajo nuk ndryshon.

Pra, pazari po na serviret si tranzicion kushtetues i kalimit te pushtetit, duke anashkaluar voten e lire dhe vullnetin e sovranit popull.

Lexoni cfare parashikon Kushtetuta dhe vleresoni pazarin e radhes, te reklamuar nepermjet termave, qe as vete reklamuesja nuk i kupton ose nuk do t’i kuptoje.

KUSHTETUTA E REPUBLIKES SE SHQIPERISE

Neni 1

3.Qeverisja bazohet në një sistem zgjedhjesh të lira, të barabarta, të përgjithshme e

periodike.

Neni 2

1.Sovraniteti në Republikën e Shqipërisë i përket popullit.

2.Populli e ushtron sovranitetin nëpërmjet përfaqësuesve të tij ose drejtpërsëdrejti.

PJESA E GJASHTËMBËDHJETË MASAT E JASHTËZAKONSHME

Neni 170

1.Masat e jashtëzakonshme mund të vendosen për shkak të gjendjes së luftës, gjendjes së jashtëzakonshme ose gjendjes së fatkeqësisë natyrore dhe zgjatin për aq kohë sa vazhdojnë këto gjendje.

2.Parimet e veprimtarisë së organeve publike dhe shkalla e kufizimit të të drejtave dhe lirive të njeriut gjatë gjithë periudhës së ekzistencës së gjendjeve që kërkojnë marrjen e masave të jashtëzakonshme, përcaktohen me ligj.

3.Ligji duhet të përcaktojë parimet, fushat dhe mënyrën e kompensimit të humbjeve që vijnë si rezultat i kufizimit të të drejtave dhe lirive gjatë marrjes së masave të jashtëzakonshme.

4.Aktet që ndërmerren si pasojë e marrjes së masave të jashtëzakonshme, duhet të jenë në përpjesëtim me shkallën e rrezikut dhe duhet të synojnë rivendosjen sa më të shpejtë të kushteve për funksionimin normal të shtetit.

5.Gjatë gjendjeve që kërkojnë marrjen e masave të jashtëzakonshme, nuk mund të ndryshohet asnjë prej këtyre akteve: Kushtetuta, ligjet për zgjedhjet për Kuvendin dhe për organet e pushtetit vendor, si dhe ligjet për masat e jashtëzakonshme.

6.Gjatë periudhës së zbatimit të masave të jashtëzakonshme nuk mund të zhvillohen zgjedhje vendore, nuk mund të zhvillohet referendum, si dhe nuk mund të zgjidhet një President i ri i Republikës. Zgjedhjet vendore mund të bëhen vetëm aty ku nuk zbatohen masat e jashtëzakonshme.

Neni 177

2.Asnjë rishikim i Kushtetutës nuk mund të ndërmerret gjatë kohës kur janë vendosur masat e jashtëzakonshme.