Nga Anri Bala
Shumë bujë politike dhe publike u bë për shpalljen “non grata” të Sali Berishës nga SHBA dhe Britania e madhe për korrupsion, por harruam gjëmën më të madhe të tij në Shqipëri, shpalljen “non grata” në Tropojë…për vrasje.
Sali Berisha ka 25 vjet që është person “non grata”, pikërisht në atdheun e tij, në vëndlindjen e tij, e ne u habitëm sot, kur na e kujtuan anglo-amerikanët.
Shpalljet e reja si i padëshiruar nga superfuqitë, janë si gudulisje për të, sepse ka 1 vit që SHBA e ka shpallur non grata, e atij dhe atyre që i shkojnë pas, u duket si nder i madh, që e gudulisën për ta zgjuar nga gjumi…. derikur drjtësia do çlirohet nga hipnoza e frikës.
Gudulisja e Amerikës e trembi pak dhe e vuri në lëvizje, ndërsa kjo e Britanisë, as që i bëri përshtypje, sepse nuk vlejti as për ta zgjuar dhe as për ta ngritur, por për t’i ngritur… dellin e mashtruesit profesionist.
Me gënjeshtrat që broçkullit çdo ditë lartë e poshtë, sikur e “ngacmojnë” për ta frikësuar dhe përgatitur shpirtrisht, e se nuk do i jepet asnjë mundësi për të qenë i pafajshëm, dhe se statusi i tij politik ka ndryshuar, në trajektoren e kundërt të asaj që pritej nga SHBA, kapesh keq, sepse… nuk ke përgjigjie.
Berisha ka krijuar “Sorosin e tij të ri” në Britani, ish kryeministrin Toni Blair, duke e kthyer në komedi të vertetën se çfarë përfaqëson dënimi “non grata”, si një nga dënimet më të rënda në SHBA për të huajt, e duke krijuar një iluzion për vete dhe turmat që i shkojnë pas, se shpallja “non grata” është thjesht një refuzim vize për në Miami.
Kjo i ka entuziasmuar aq shumë “saliarët”, sa që shumë prej tyre kanë bërë “kërkesë” për tu shpallur non grata, sepse as nuk kanë qenë dhe as nuk shpresojnë të shkojnë ndonjëherë në Amerikë… për turizëm.
Problemi i tyre dhe i Saliut është “non grata” në Tropojë, në vendin e tij, atje ku është shpallur për herë të parë, sepse atje nuk guxon të shkoi, por edhe nëse do të guxonte, shkonte me eskort dhe ushtri, kurse në SHBA dhe Angli shkonte me duar në xhepa, sepse nuk rrezikonte asgjë, përveç biletës së avionit… të paguar nga xhepat tanë.
“Non grata” për vrasje, nuk është leje kalimi e as refuzim vize turistike për në Valbonë. Edhe nëse e merr, të duhet besa e dikujt, që vetëm Berisha nuk mund ta marrë…si “hjekës” i shumë vrasësve.
Ndaj ai i druhet dënimit “non grata” për vrasje, sepse ky dënim, të dërgon te të “shumtit”, nëse ai nuk e heq ndonjëherë… pa për korrupsion jeton 100 vjet. Veçse, Zenit me Argitën por edhe Abit, mund t’ia heqin ndonjë thes nga hambari i “djersës së ballit”. /Ekskluzive.al