Historitë në lidhje me personat që po pësojë mpiksje gjaku menjëherë pasi marrin vaksinën AstraZeneca janë kthyer në një burim ankthi në mesin e liderëve europianë. Pas një raporti mbi një vdekje dhe 3 shtrime spitalore në Norvegji, të cilëve iu zbuluan mpiksje serioze të gjakut, Irlanda ka pezulluar përdorimin e saj përkohësisht. Shqetësimet për vaksinëne re janë të kuptueshme dhe çdo reagim i dyshuar duhet të hetohet. Por në rrethanat aktuale ne duhet të mendojmë me qetësi për lidhjet shkak-pasojë të ngjarjeve të fundit.
Siç ka theksuar zv / shefi mjekësor i Irlandës, Ronan Glynn, nuk ka asnjë provë që kjo vaksinë shkakton mpiksjen e gjakut. Është një tendencë e zakonshme njerëzore për të atribuar një efekt shkakor midis ngjarjeve të ndryshme, edhe kur nuk ka asnjë arsye.
Quajeni fat, shans ose koinçidencë – është e vështirë ta përfshish këtë në mënyrë tonë të të menduarit. Pra, kur Agjencia Europiane e Barnave thotë se ka 30 raste të tilla pas rreth 5 milionë vaksinash, pyetja thelbësore që duhet të shtrohet është: Nëse do kishte impakt negativ, sa persona do të prekeshin nga kjo?
Trombozat e venave ndodhin në 1/100 persona çdo vit dhe ndoshta më shumë në popullatën e moshuar që vaksinohet. Po të shohim në bazë të këtyre shifrave, nga 5 milionë njerëz që vaksinohen, ne do prisnin të paktën 5000 persona me gjak të mpiksur në vit, ose të paktën 100 në javë. Pra, këto statistika të deritanishme nuk shihen si problem nga vaksina.
Do të ishte shumë më e lehtë nëse do të kishim një grup njerëzish pikërisht si ata që vaksinohen, por që nuk do të sëmureshin. Kjo do të na tregonte se sa pasoja serioze priten nga vaksina, kur në fakt ka qenë vetëm fati i keq i disave. Në provat që çuan në miratimin e vaksinave në Mbretërinë e Bashkuar, vullnetarët u caktuan rastësisht për të marrë ose vaksinën aktive ose një injeksion. Asnjë nuk raportoi ndonjë dëm që ka përjetuar, por ç’është e rëndësishmja askush nuk e dinte nëse ata kishin marrë vaksinat e vërteta ose një injeksion inert.
Efekte anësore u raportuan në 38% të atyre që morën vaksinën e vërtetë, por, gjithashtu, për mrekulli, 28% e atyre që morën injeksionin gjithashtu raportuan një efekt anësor. Kjo tregon se vetë procesi i vaksinimit shkakton një efekt të vogël anësor por të padëmshëm. Nga më shumë se 24,000 pjesëmarrës, më pak se 1% raportuan një efekt të rëndë anësor, dhe nga këta 168 persona, kishin marrë injeksionin dhe jo vaksinën e vërtetë. Pra, nuk kishte prova të rritjes së rrezikut nga marrja e vaksinës AstraZeneca. Provat e Pfizer patën rezultate të ngjashme, me efekte anësore më të lehta ose të moderuara në grupin e vaksinave, por numër pothuajse identik të pasojave serioze.
Shumica dërrmuese e efekteve anësore të raportuara përmes sistemit të kartonit të verdhë dhe në prova të rastësishme janë raporte të tilla si një krah i lënduar, ose simptoma të përgjithshme të mëvonshme të ngjashme me gripin, e dhimbjes së kokës, lodhjes, etheve etj. të cilat ulen për disa ditë. Problemi më serioz janë reaksionet anafilaktike dhe këshilla është që të mos injektohet askush me një histori të mëparshme të reaksioneve alergjike. Deri më tani, këto vaksina kanë treguar se janë jashtëzakonisht të sigurta./Gazeta Shqip