Kreu i Partisë Demokratike, Lulzim Basha akuzoi drejtuesen e Prokurorisë së Tiranës, Elisabeta Imerajn si ikonë të krimit dhe korrupsionit.
Mësohet se nesër në mbledhjen e Këshillit të Lartë të Prokurorisë pritet të diskutohet kërkesa e Imerajt, për të dalë me një qëndrim publik të Këshillit në lidhje me akuzat publike ndaj figurës së saj.
Kujtojmë se pas akuzave të Bashës, kundërpërgjigja e Imerajt ishte se kryedemokrati e sulmon për shkak të dosjeve që ka në Prokurorinë e Tiranës.
Reagimi i Elisabeta Imerajt
“Nuk bie pre e asnjë presioni politik, ekonomik apo kriminal, as e ikonës së shpëtimit nga Drejtësia me Procedurë. Presioni karshi një prokurori është vepër penale, dhe unë s’kam rënë pre e presionit në asnjë rast nga asnjë lloj krimineli. Jam prokuror i Republikës së Shqipërisë, dhe do bëj detyrën time, në bazë të Kushtetutës dhe Ligjit, pavarësisht nga sulmet e botës së politikës, së krimit, apo të njerëzve të futur për arsye të ndryshme.
Shpifja për shkak detyre, fyerja publike, dhe kanosja për shkak detyre janë vepra penale, për të cilat do përgjigjeni sipas ligjit. Reagimi kaq personal është mungese fisnikërie, është reagim i bërë nga një ish- i pandehur i hetuar, për pastrim parash, ikonë dhe simbol i shpëtimit nga drejtësia me procedurë”.