Një studim i publikuar së fundmi tregon se konsumuesit e rregullt të alkoolit janë më pak të prirë të vdesin para kohe sesa njerëzit që asnjëherë nuk konsumojnë alkool.
Po pra, mirë e lexuat: ‘Time’ raporton se abstenimi i alkoolit shpin në jetë më të shkurtër sesa konsumimi i rregullt dhe modest, transmeton Telegrafi.
Të befasuar? Me siguri që po.
Studimi i udhëhequr nga Charles Holahan ka zbuluar se përqindjet e vdekjeve kishin qenë më të lartat te personat që asnjëherë nuk kishin konsumuar alkool, më të vogla për konsumuesit e rëndë të alkoolit dhe më të voglat për konsumuesit e alkoolit në sasi modeste që shijojnë vetëm një deri në tri pije në ditë.
Nga studimi me 1824 pjesëmarrës, që ka zgjatur rreth dy dekada, vetëm 41 për qind e konsumuesve modest kishin vdekur para kohe, krahasuar me 69 për qind të atyre që nuk kanë konsumuar alkool.
Shpjegim i mundshëm për këtë studim mund të jetë fakti se alkooli është ‘lubrifikues’ i mahnitshëm shoqëror dhe lidhjet e forta shoqërore janë thelbësore për mirëmbajtjen e shëndetit mendor dhe fizik.