Presidenti gjerman, Frank-Walter Steinmeier, me një fjalim të posaçëm të mbajtur ditën e sotme ka njoftuar masa të reja kufizuese: Nga e mërkura, e 16 dhjetorit, do të kufizohet jeta jonë publike dhe private si kurrë më parë në historinë e Republikës Federale.
Masat shtrënguese sipas tij janë të nevojshme për shkak të shifrave të larta të infektimeve.
“Situata është shumë serioze, mijëra të vdekur në një javë dhe një zhvillim pandemie që rrezikon të dalë nga kontrolli, nuk ja dalim dot pa marrë masa shtrënguese. Nëse përditë dhjetëra mijëra vetë infektohen dhe qindra vdesin, nëse mjekët dhe infermierët në repartet e intensivit dhe shtëpitë e kujdesit tani ndodhen në limitet e fuqive të tyre, kjo do të thotë se përpjekjet tona të deritanishme në luftën kundër pandemisë nuk mjaftojnë”, ka deklaruar Steinmeier.