Vendimi i dosjes së Katanias, depozituar pak kohë më parë nga ish-ministri Tahiri, është vendosur të administrohet si provë nga Prokuroria.
Vendimi që nxjerr Saimir Tahirin të pafajshëm për dosjen “Habilaj”, është administruar në dosje dhe po shqyrtohet me provat e tjera.
Vendimi u depozitua pak ditë më parë nga ish-ministri Tahiri. Sipas hetimeve italiane, Tahiri nuk ishte i përfshirë në trafik droge me grupin Habilaj.
Vendimi i Italisë bëhet pjesë e dosjes hetimore të prokurorisë së Krimeve të Rënda.
Brenda muajit nëntor pritet te merret vendimi nëse në Shqipëri do të pushohet hetimi apo do të ngrihet një akuzë ndaj ish-ministrit.
Pavarësisht pushimit të hetimeve nga Italia, Tahiri në Shqipëri është në hetim si i dyshuar për trafik droge, shpërdorim detyre dhe korrupsion pasiv.